Tesla, SpaceX ва Twitter компаниялари раҳбари Илон Маск 2022 йилда қарийб 122,6 миллиард доллар йўқотди. Бу ҳақда Bloomberg хабар берди.
Бу йўқотиш эса унинг 2021 йилда топган бойлигидан ҳам кўп. Маълумотларга кўра, Илон Маск айнан 2021 йилда энг кўп бойлик орттирган.
Таъкидланишича, Маскнинг бойлиги тахминан 147,7 миллиард долларни ташкил этади. Бу икки йилдан ортиқ вақтдаги энг паст кўрсаткичдир.
Унинг капитали асосан Tesla акциялари ва опсионларидан иборат. 20 декабрь куни Маск 7,7 миллиард доллар йўқотди, чунки унинг акциялари нархи октябрь ойидан бери энг паст даражага тушиб кетди.
Аввалроқ Илон Маск дунёнинг энг бой одамлари рейтингида етакчиликни бой бергани ҳақида хабар берилганди.
Forbes Real Time миллиардерлари рейтингида Илон Маск дунёнинг энг бадавлат одами сифатида биринчи ўринни Бернард Арно ва унинг оиласига бой берди.
14 декабрда тадбиркор Илон Маскнинг бойлиги 176,8 миллиард долларга, Louis Vuitton Moet Hennessy (LVMH) президенти Арно ва унинг оиласининг бойлиги эса 188,6 миллиард долларга баҳоланган.
Изоҳ (0)