Қозоғистоннинг «Казмунаигас» давлат компанияси (КМГ) 2023 йил январь ойида нефтни Германияга синов тариқасида жўнатиш имкониятини кўриб чиқмоқда. Бу ҳақда «Коммерсантъ» хабар бермоқда.
Компания бошқаруви раиси Мағзум Мирзагалиев Германия Иқтисодиёт ва иқлимни муҳофаза қилиш вазирлиги давлат котиби Михаел Келлнер билан музокаралардан сўнг бу ҳақда маълум қилинган.
Томонлар бир кун аввал, 20 декабрь куни видеоалоқа орқали учрашув ўтказди. Мирзагалиев Остонада Германия сўл партияси парламент гуруҳидан Бундестаг депутати Кристиан Герке билан ҳам учрашди.
Хусусан, Қозоғистон нефтини Германиянинг Шведт шаҳридаги нефтни қайта ишлаш заводига экспорт қилиш масаласи муҳокама қилинди.
Бундестаг депутати, шунингдек, «Дружба» нефть қувури орқали «барқарор етказиб беришдан манфаатдорлигини» билдирди.
КМГ раҳбари Қозоғистон нефтини ушбу қувур орқали Германияга экспорт қилиш имкониятини тасдиқлади, бироқ «шартномавий ва техник масалалар»ни ҳал қилиш кераклигини таъкидлади.
«Қозоғистон Президентининг топшириғига кўра, «Казмунагаз» 2023 йилнинг январида Германияга нефть партиясини синов тариқасида жўнатиш вариантини кўриб чиқмоқда», — дея қўшимча қилди компания матбуот хизмати.
Изоҳ (0)