Ukraina prezidenti Vladimir Zelenskiy 20-dekabr kuni Donbassdagi front chizig‘ida joylashgan Baxmut shahriga keldi. Bu haqda Meduza xabar berdi.
Zelenskiyning frontga safari haqida birinchi bo‘lib FreeDom kanali muxbirlari xabar berdi. Keyin bu ma’lumotni prezident vakili ham tasdiqladi. Xususan, Ukraina prezidenti spikeri Nikiforov Vladimir Zelenskiyning Baxmutga tashrifini haqida gapirdi:
“Prezident oldingi chiziqni borib ko‘rdi, harbiylarni nishon va qimmatbaho sovg‘alar bilan taqdirladi. Prezident Baxmutni hozir tark etgan”, — dedi Nikiforov jurnalistlarga.
Zelenskiy 6-dekabr kuni Donetsk viloyatining Slovyansk shahriga tashrif buyurgandi. U Ukraina Qurolli kuchlari safiga jalb qilingan barcha shaxslarning professionalligini aytib, davlatni himoya qilgani uchun ularga minnatdorlik bildirgandi.
“Butun dunyo sizning kuchingizni, mahoratingizni, me’yorlaringizni — Ukraina standartlarini ko‘rib turibdi. Sizdagi qahramonlik uchun ota-onangizdan, rafiqangiz va bolalaringizdan minnatdorman. Butun Ukraina sizga ishonadi va yordam beradi”, — degan edi Zelenskiy.
Baxmut shahri (2016 yilgacha — Artemўvsk) Donbassdagi muhim transport markazi, Ukrainaning mustahkamlangan hududi bo‘lib xizmat qiladi. U Kramatorsk, Slavyansk, Seversk va Toretskgacha bo‘lgan yo‘llarni qamrab oladi. May oyining ikkinchi yarmidan boshlab rus qo‘shinlari shaharga kuchli raketa hujumlarini amalga oshirmoqda. 5-iyul kuni rus qo‘shinlari Lisichanskni egallab oldi va avgustda ular Baxmutning chekka hududlariga yetib keldi. Yoz oxiridan beri ruslar, asosan, “Vagner” xususiy harbiy kompaniyasi kuchlari, bir necha kilometr oldinga siljishga muvaffaq bo‘ldi.
Bir necha oydirki, shahar chekkasida shiddatli janglar davom etmoqda. Shu bilan birga, bu davrda suv, issiqlik, elektr ta’minoti yo‘q bo‘lgan Baxmutda tinch aholi hayot kechirmoqda. Shahar hali ham Ukraina harbiylari tomonidan himoyalangan.Mavzuga doir:
- Rossiya harbiylari taktikani o‘zgartirdi: Baxmut yo‘nalishidagi vaziyat haqida ma’lumot berildi
- Rossiya harbiylari Baxmutda Severodonetsk va Lisichanskdagi xatolarini takrorlamoqda — ISW
- Rossiya oldinga siljishga urinmoqda, Ukraina qo‘shinlarida yo‘qotish katta. NYT Baxmut yaqinidagi shiddatli janglar haqida maqola e’lon qildi
Izoh (0)