Rossiya harbiylari taktikani o‘zgartirdi: Baxmut yo‘nalishidagi vaziyat haqida ma’lumot berildi

Rossiya harbiylari kichik guruhlarga tarqalib, Baxmut yo‘nalishida taktikani o‘zgartirdi. Bu haqda UNIAN xabar berdi.

Ma’lum qilinishicha, Ukraina armiyasida bu harakatlarni kuzatishda kuchli monitoring tizimi mavjud.

“Artilleriyachilarimiz ularning shijoatini biroz sovitish uchun yuqori aniqlikdagi tizimlar bilan zarba berdi. Baxmutdagi vaziyat juda qiyin, lekin uni boshqarish mumkin. Qarshi tomon u yerdan qaytarilishiga umid bor”, — dedi Ukrainaning Sharqiy kuchlari guruhi spikeri Sergey Cherevatiy.

Spikerning ta’kidlashicha, Ukraina harbiylarining jasorati va konsentratsiyasi rus harbiylarining taktikani o‘zgartirishiga majbur qilmoqda.

“Baxmut yo‘nalishida ‘Vagner’ xususiy harbiy kompaniyasi kichik hujum guruhlarini tuzayotganini payqayapmiz, ular pozitsiyalarimizga imkon qadar tezroq yetib olish va xandaqlarga kirish uchun tarqalib ketishga harakat qilmoqda”, — deydi u.

Shunga qaramay, Cherevatiy Ukraina harbiylari jang maydonini kuzatish uchun kuchli tizimga egaligini qayd etdi.

“Jang maydonini doim onlayn kuzatamiz. Qarshi tomonni monitoring qilish qanchalik oson ekanini bilamiz”, — deya qo‘shimcha qildi spiker.

Mavzuga doir:

• Rossiya harbiylari Baxmutda Severodonetsk va Lisichanskdagi xatolarini takrorlamoqda — ISW
• Rossiya oldinga siljishga urinmoqda, Ukraina qo‘shinlarida yo‘qotish katta. NYT Baxmut yaqinidagi shiddatli janglar haqida maqola e’lon qildi