Bugun,

  • USD 11095.31
  • RUB 173.84
  • EUR 10772.44

Rossiyaning Baxmutni qo‘lga olishga urinishlari shuni ko‘rsatmoqdaki, rossiyalik harbiylar Donbassdagi oldingi xatolaridan hech qanday saboq olmagan — avval ular katta yo‘qotishlar evaziga operatsion yoki strategik ahamiyati cheklangan nishonlar ustidan nazorat o‘rnatgandi, deb yozmoqda Amerika urushni o‘rganish instituti (ISW) o‘zining kundalik hisobotida.

Foto: “RIA Novosti”

Foto: “RIA Novosti”

May oyining oxiridan beri Rossiya harbiylari Baxmut atrofidagi kichik aholi punktlariga doimiy ravishda kuch sarflamoqda, biroq ekspertlarning ta’kidlashicha, ular bu yo‘nalishda olti oy ichida bor-yo‘g‘i bir necha kilometr oldinga siljigan.

ISW tahlilchilarining kuzatuviga ko‘ra, bunday harakatlar sxemasi Rossiyaning 2022-yil yozida Lugansk viloyatidagi Severodonetsk va Lisichanskni egallab olishga bo‘lgan urinishlariga juda o‘xshaydi. O‘shanda Ukraina Qurolli kuchlari rus qo‘shinlariga katta kuchlarini strategik ahamiyatga ega bo‘lgan ushbu ikki shaharga jamlashga imkon bergan va ularni bir necha hafta davomida u yerda ushlab turgan. Yakunda, Rossiya qo‘shinlari katta yo‘qotishlar evaziga ushbu shaharlarni egallagan va Lugansk viloyati chegaralariga yetib borgan, ammo bu taktik muvaffaqiyat ahamiyatsiz operativ samaraga olib keldi, shundan beri ushbu yo‘nalishda Rossiya hujumlarining katta qismi boshi berk ko‘chaga kirib qoldi.

Baxmutda ham xuddi shunday natija bo‘lishi mumkin: agar rus qo‘shinlari shaharni egallab olishga muvaffaq bo‘lsa ham, bu operatsion ustunliklarni bermaydi, ko‘rilgan yo‘qotishlar foydadan oshib ketadi, deyiladi ISW hisobotida.

Izoh
Asosiy yangiliklar
Mahalliy
Ota bolasini, aka ukasini tanimaydi, chang-to‘zon, terlab-pishib har kim uloqni taqimiga bosish qayg‘usida” — Piskentdagi koʻpkaridan fotoreportaj
Mahalliy
Turkiyadagi dahshatli zilzilada 3 419 kishi halok boʻldi — voqea tafsilotlari (video)
Mahalliy
Angrenda 19 yoshli qiz o‘z joniga qasd qildi