Mazali asalli tort tovada oson tayyorlanadi. Kremiga smetana qo‘shib pishiriladigan tortni bezashda o‘zingizga yoqqan mevalardan foydalanishingiz mumkin.
Kerakli masalliqlar:
- shakar — 220 g
- asal — 5 qoshiq
- sariyog‘ — 220 g
- iste’mol sodasi — 1 qoshiq
- tuxum — 4 dona
- un — 300 g
- o‘simlik yog‘i — 2-3 qoshiq
- yog‘li smetana — 800 g
- shakar kukuni — 120 g
- Bir piyolaga shakar, asal va sariyog‘ solib aralashtiring. Aralashtirganda, mahsulotlar eriguncha suv hammomida isitiladi.
- Siropga iste’mol sodasini soling, aralashtiring, yana 30-40 soniya davomida qizdiring. Massa ko‘piklanib, oltinrang bo‘lishi kerak.
- Siropni ozgina sovitib oling. Uni “venchik” yordamida yaxshilab aralashtirib, ichiga tuxumni birma-bir soling.
- Unni suyuq massaga soling va mahsulotlarni xamir holatiga keltiring.
- 20-23 sm diametrli qizdirilgan tovani o‘simlik yog‘i bilan yog‘lang va qizdiring.
- Xamirning bir qismini tovaga soling, uni barcha qismiga teng ravishda yoying. 1-2 daqiqa davomida idishning qopqog‘i yopilgan holatda past olovda pishiring. Boshqa tomonini aylantiring va yana 1-2 daqiqa pishirib oling.
- Qolgan xamirni ham shu shaklda pishiring, vaqti-vaqti bilan tovani yog‘lang.
- Xamir bo‘laklari bir xil bo‘lishi uchun notekis qirralarni kesib oling. Kesib olingan bo‘laklarni maydalang.
- Smetanani shakar kukuni bilan aralashtiring. Xamirlarni bir-birining ustiga qo‘ying va ustiga kremni surting.
- Tortning yuqori va yon tomonlariga krem surting. Kremning ustiga xamirning maydalangan bo‘laklarini seping. Uni shokolad yoki o‘zingizga yoqqan mevalar bilan bezatishingiz mumkin. Asalli tortni 4-6 soat davomida muzlatgichga qo‘ying.
Mavzuga doir:
Izoh (0)