Уй шароитида ўзингизга ёққан ҳидга эга антиперспирант тайёрлаб кўринг
Агар заводда ишлаб чиқарилган антиперспирантларни ёқтирмасангиз, унда ўзингиз уйда ёқимли ҳидга эга бўлган воситани тайёрлаб кўришингиз мумкин. Уйда тайёрланган антиперспирантнинг ҳиди ва сифати заводда ишлаб чиқариладиган воситаларга қараганда бироз бошқачароқ бўлади.
Заводда ишаб чиқариладиган дезодорант-антиперспирантлар зарарлими?
Завод маҳсулотлари таркибига кирувчи парабенлар ёки алюминий тузларининг кўкрак саратони ёки бошқа касалликлар билан боғлиқлиги ҳақида илмий тасдиқланган маълумотлар йўқ. Парабенларнинг саратонга олиб келиши мумкин бўлган потенциали ўз танангиз ишлаб чиқарадиган гормонлардан 100 000 марта паст. Парабенлар табиий равишда қулупнай, ловия, сабзи ва кўк чойда мавжуд. Бироқ ҳеч ким қулупнай саратон касаллигини келтириб чиқаришига ишонмайди.
Антиперспирант кукуни
- 1 қисми GMO бўлмаган пишириқ содаси
- 1 қисми GMO бўлмаган маккажўхори крахмали
- бир неча томчи чой дарахти ёғи
Пишириқ содаси ва крахмал намликни ўзлаштиради, чой дарахти ёғи эса ҳидни намлайди, уни келтириб чиқарадиган бактерияларни ўлдиради.
Антиперспирант крем тайёрлашни истайсизми?
Пишириқ содаси, вазелин ва талк кукунини тенг қисмларга бўлиб аралаштиринг. Маҳсулотларни сув ҳаммомда эритиб, унга озгина чой дарахти ёғини солинг.
Қаттиқ антиперспирантни хоҳлайсизми?
Керакли маҳсулотлар:
- 3 қисм кокос ёғи
- 3 қисм пишириқ содаси
- 2 қисм ши ёғи (у қаттиқ ва 30 даражада эрийди)
- 2 қисм маккажўхори крахмали
- 1 қисм асал муми
- ароматик ёғлар
Ачинарли сир: уйда тайёрланган антиперспирантлардан фойдаланиш бироз ноқулай. Улар хона ҳароратида эрийди, шунинг учун уларни музлатгичда сақлаш керак. Ёзда уни ўзингиз билан олиб юришнинг имкони йўқ. Кукунлар эса кийимнинг рангига таъсир қилади.
Мавзуга доир: Дезодорант ва антиперспирант ишлатишда терига зарар етказадиган ҳолатлар.
