Нам ҳаво, қишки аёз таббий равишда инсон организмига бошқача таъсир қилади. Бироқ, керакли тавсияларга амал қилинса, қишда касал бўлишнинг олдини олиш мумкин. «Новий очаг» нашри қишда касал бўлмасликка ёрдам берувчи усулларни тақдим этди.
Иложи борича қўлингизни тез-тез ювинг
Кўпинча инфекция организмга қўлларнинг терисидан киради, шунинг учун одатдагидан кўра гигиенага кўпроқ эътибор беринг. Америкалик олимларнинг фикрича, қўлларини тез-тез ва яхшилаб ювадиган инсонларнинг касалликка чалиниш эҳтимоли 45 фоизга кам. Шунинг учун ўзингизни керакли тавсиялар ёрдамида ҳимоя қилинг. Биринчидан, мавсумий грипп ва ЎРВИ эпидемияси пайтида ўзингиз билан ручка олиб юринг ва банкларда, дўконларда, кассада ва бошқа жойларда мавжуд бўлган ручкадан фойдаланманг.
Иккинчидан, ўзингиз билан кичик бир шиша идишда антибактериал воситани олиб юринг ва ундан қўлингизни қаттиқ ифлосланган юзаларга теккизганингиздан кейин фойдаланинг — масалан, жамоат транспортида саёҳатдан кейин уни терингизга сепинг. Учинчидан, қўлингизни яхшилаб ювинг: аввал уларни яхшилаб совун билан ишқаланг (терини совун билан ишқалаш бактерияларни йўқ қилишга ёрдам беради), кейин сув билан яхшилаб ювиб ташланг ва артиб олинг. Намлик бактериялар ривожланиши учун идеал муҳит эканини унутманг.
Кўпроқ суюқлик ичинг
Агар касал бўлган инсоннинг ёнида бўлсангиз ҳам, етарли миқдорда сув ичиш бактерияларнинг организмга жойлашишига йўл қўймайди. Гап шундаки, бурун шиллиқ қавати бактерияларга қарши табиий тўсиқ бўлиб хизмат қилади, бу эса микроорганизмларнинг танага кириб боришини қийинлаштиради. Бироқ оз миқдорда сув ичсангиз, шиллиқ қават қурийди ва ҳимоя қилиш самарасиз бўлади.
Гипотермиядан сақланинг
Гипотермия иммунитет тизимини заифлаштиради, чунки тана ҳароратини тўғри даражада ушлаб туриш учун қувват сарфланади ва инфекцияларга қарши курашиш учун ҳаракат қолмайди. Инсон совуқ муҳитда бўлса, табиий ҳимоя механизми ишга тушади ва қон ҳаётий органларга шошилади, шунинг учун биринчи навбатда қўллар, оёқлар ва бош музлайди. Иссиқ пойабзал, бош кийим, қўлқоплар — буларнинг барчаси ҳаво ҳарорати нол даражадан пастга тушганда керак бўлади. Бундан ташқари, жуда совуқ ҳавода танани иссиқ сақлаш учун қат-қат кийининг.
Хавотир олманг
Стресс иммунитет тизимини заифлаштирадиган энг кучли омиллардан бири ҳисобланади. Ёга ва медитация билан шуғулланадиган инсонларда стресс гормони кортизол даражаси паст бўлади. Бугунги кунда шифокорлар ушбу гормоннинг юқори миқдори касаллик хавфини оширишини тасдиқлаган. Ҳар куни дам олиш учун камида 10-15 дақиқа топишга ҳаракат қилинг, бир неча маротаба чуқур нафас олинг ва ёқимли нарсалар ҳақида ўйланг.
Мавзуга доир:
Изоҳ (0)