Канаданинг Торонто шаҳри чеккасида юз берган отишма оқибатида беш киши ҳалок бўлди, ҳужумчининг ўзи эса полиция томонидан отиб ўлдирилди, деб хабар бермоқда АП.
Воқеа Онтарио провинциясининг Вон шаҳридаги кўп қаватли турар жойда юз берган. Ҳужумчи ҳам шу бинода яшагани ёки йўқлиги номаълум.
«Даҳшатли манзара. Олти жасад. Улардан бири гумонланувчи. Қолган беш нафари жабрдийда», — деди ҳудудий полиция бошлиғи Жеймс Максуин.
Унинг сўзларига кўра, гумонланувчи томонидан ўқ узилган еттинчи одам касалхонада ва унинг тузалиб кетишига умид бор.
Отишма сабаблари ҳозирча номаълум, тергов давом этмоқда.
Маълумот учун Канадада оммавий отишмалар кам учрайди. Торонто эса узоқ вақтдан бери дунёдаги энг хавфсиз шаҳарлардан бири бўлиб келмоқда.
Изоҳ (0)