Бугун,

  • USD 11095.31
  • RUB 173.84
  • EUR 10772.44

Ўзбек Instagram оламида Liil тахаллуси билан машҳурликка эришган Озод Хуррамов «Дарё» интернет-нашрига эксклюзив интервью берди. Интервьюни «Дарё» мухбири Феруз Муҳаммад ташкиллаштирди.

Фото: «Дарё»

Фото: «Дарё»

Liil суҳбат давомида видеоклипларига сарфланаётган пуллар ва нима сабабдан тўйга чиқмаётганига ойдинлик киритди.

Дастлаб мен Озода опага таклиф билдирганман, опа рад этганлар. Кейин ўзлари менга сюрприз қилганлар. Қўшиқни Туркияда ёздирганмиз. Клипига анча катта пул сарфланган, умумий ҳисобда 15 минг доллар кетган. Лекин Озода опага ҳам, менга ҳам бу клип ёқмайди. Клип биз ўйлаганчалик чиқмаган.

Масалан, «Мандарин» қўшиғимни клипи чиқди. Ўша клипимга 20 минг доллар кетган, лекин у клипим ҳам ёқмайди.

Мен тўйга чиқмадим, ниятим ҳам йўқ, аллақачон чиққан бўлардим шу пайтгача. Бир танишимнинг тўйига бориб қўшиқ айтиб, тўёна сифатида совға қилдим, пулга тўйга чиқмадим.

Мен бировларни қўшиғини айтиб, тўйда пул ишлашни хоҳламайман. Ўзи ҳали битта муаллифлик қўшиғим борлиги учун тўйга чиқолмайман. Масалан, она ҳақида қўшиғим бўлса, чақириши мумкин. Лекин она ҳақида айтсангиз, конкрет пул кўзлаб айтгансиз-да, онангизга атаб айтмагансиз. Мана, она ҳақида қўшиқ чиқараётганларни кўпини биламан, пул учун айтишяпти.

Масалан, тўйга чиқиб, Шоҳруххоннинг қўшиқларидан айтяпти, Юлдуз Усмонованинг қўшиқларидан айтяпти, Озода опанинг қўшиқларини айтиб чиқишяпти, тўйга чиқиш учун рэпертуар қилишяпти. Мен шу нарсани хоҳламайман. Мен уларнинг меҳнатига пул териб юришни хоҳламайман. Ўзимнинг меҳнатимга пул олишни яхши кўраман. Унинг пули бошқача бўлади, узоққа етади.

Озод Хуррамов, актёр, блогер, хонанда

Маълумот учун, Озод Хуррамовни Instagram саҳифасини 2,2 миллион кузатувчиси бор. Озода Нурсаидова билан «Миллион» деб номланган дуэт куйлаган. Бундан ташқари, «Мандарин» деб номланган муаллифлик қўшиғи бор. Алишер Узоқовнинг «Наҳотки», «Ошиқ юрак» қўшиқларини куйлаб, уларга видеоклип ҳам суратга олдирган. Бугунги кунда Akfa университетида таҳсил олади.

Изоҳ
Асосий янгиликлар
Иқтисодиёт
Ўзбекистонда январь ойида кимларга энг юқори маош таклиф қилинди?
Дунё
“Россия ютқазади, Украина ғалабаси дунёни ўзгартиради”: Зеленский Буюк Британия парламентида нутқ сўзлади (видео)
Маҳаллий
Қорақалпоғистондаги уйда газ портлаши оқибатида бир киши вафот этди