Хонанда Достон Эргашев «Ўйламадим» деб номланган қўшиқни, қўшиқнинг асл муаллифи Ўктам Алиевнинг рухсатисиз куйлагани учун 500 миллион сўм жарима тўлагани ҳақида маълумотлар тарқалган эди.
Достон Эргашев «Дарё» мухбири Феруз Муҳаммадга берган интервьюсида ушбу хабарларга ойдинлик киритди.
Мен қўшиқ талашмаганман. Чироқчилик акамиз Ўктам Алиев билан шу масалада озгина хафагарчилик бўлди, лекин кейин ярашиб олдик. Ҳозир муносабатларимиз яхши. Жаҳли чиққан одам нима қилаётганини билмай қолади. Ўтириб гаплашиб, келишиб олдик, ҳозир ҳаммаси яхши.Маълумот учун, хонанда Достон Эргашев «Халқлар дўстлиги» саройидаги «Кўзмунчоғим» деб номланган илк яккахон концерт дастурида «Ўйламадим» қўшиғини, қўшиқнинг асл муаллифи Ўктам Алиев билан дуэт қилиб куйлади.Агар қўшиқнинг улар айтган варианти билан мен айтган вариантини солиштирадиган бўлсак, умуман иккита бошқа-бошқа қўшиқ бўлади. Мисол учун менинг ижромда авж пардалари бор, уларники ҳам ёмон эмас, улар ҳам зўр куйлаганлар.
Бизда интернетда ёлғон хабарлар тарқатувчи айрим блогер ва сайтлар бор, «500 миллион сўм жарима тўлабди», деб хабарлар чиқаришган. 500 миллион сўм кичкина пулми? Каналга қизиқтириш учун нимадирлар деб ёзишган. Бўлмаган гап, ҳеч қанақа жарима тўламаганмиз.
У одам ҳам пул ундириш учун бу ишни қилмаган, шунчаки мен қўшиқни рухсат сўрамасдан айтганим учун жаҳли чиққан. Лекин узримни сўраб, олдидан ўтганимдан кейин жаҳлидан тушди. Мана ҳозир яхши бўлдик. Гап пулда эмас, у одамнинг ўзига етарли пули бор. Ҳамма нарсаси жойида. «Судлашди, 500 миллион сўм жарима тўлади», деган гапларнинг барчаси ёлғон.
Достон Эргашев, хонанда
Изоҳ (0)