Оддий фабрика ишчиси Норма Жин Бейкер — бўлажак актриса Мерилин Монро муболағасиз экран юлдузи, гўзаллик ва услуб маъбудаси эди. Бироқ ёқимли табассум ортида ўзига нисбатан ишончсизлик, комплекслар, ташқи кўриниш, хулқ-атвор, овоз ва соғлиқ муаммолари яширинганди. AdMe нашри Голливуд юлдузининг мафтункор кўриниши ортида қандай сирлар яширингани ҳақида маълумот беради.
Мерилин Монронинг сочлари умрининг охирига келиб бўяш ва кимёвий жингалак қилишдан тўкила бошлаган
Мерилин Монронинг машҳур соч турмаги унга жуда қимматга тушган. Актриса сочларининг ўсиш йўналишини ўзгартириш учун электролиз процедурасидан фойдаланади — пешонасидаги тепадан пастга қараб учбурчак шаклида ўсган сочлардан халос бўлишга ҳаракат қилади. Узоқ вақт давомида Монро ўзининг табиий кул ранг сочини сариққа бўяб юрган.
Дастлаб актрисанинг сочлари қизғиш ранг қилиб, енгилроқ бўялади. Бироқ Мерилин сочлари сарғиш бўлишни хоҳлайди. Шунинг учун у ҳар сафар сочларини бўяганда янада оч рангга алмаштира бошлади. Натижада қиз платина сарғиш рангга эришди. Аммо бу процедуралар сочларининг тўкилишига олиб келди.
Ўша пайтда сочларни оч рангга бўяш учун катта миқдорда сулфат кислота ва водород перикс керак бўлиб, у соч ва бош терисини куйдирарди. Монро шунингдек, сочларини кучли қувур тозалагич билан жингалак қилади. Актриса кимёвий муолажадан ҳафтасига 2-3 марта соч илдизларини очартириш ва сарғишликни мустаҳкамлаш учун фойдаланган.
Аста-секин кино юлдузининг сочлари заиф, жилосиз ва мўрт бўлиб қолади ва умрининг охирида у бутунлай тўкила бошлайди. Шу сабабли Мерилин Монро парик кийган. Масалан, 1961 йилда суратга олинган «Саргардон» фильмида (юқоридаги расм) актрисанинг сочлари сунъий.
Мерилин Монро билакларидан уялган
Мерилин Монро кўпинча қоматини номукаммал, билакларини эса бесўнақай деб ҳисоблаган. Шу сабабли суратга тушаётганда актриса қўлларини букишга ёки камерага ярим бурилишга ҳаракат қилган. У қўлнинг бу қисми ҳақиқий ҳаётдан кўра фотосуратларда нозик кўринишини хоҳлаган.
Актриса қулоқларини жуда катта деб ҳисоблагани учун уларни яшириб юрган
Голливуд юлдузини баланд соч турмагида кўриш деярли имконсиз эди. Чунки ҳамма гап қулоқларида эди: актриса уларни жуда катта деб, буни камчилик деб ҳисоблаган. У деярли ҳар доим қулоқларини ёпадиган соч турмагида юрган.
Мерилин Монро иягини операция қилдирган
Карьерасининг бошида у бир кастинг директори унга «ийакциз мўъжиза» деб атаганини эшитган деган версия мавжуд. Шунчаки, актриса юзининг пастки қисмида силлиқ, юмшоқ чизиқ бор эди.
Голливуднинг машҳур пластик жарроҳи Майкл Гурдин ўз эслатмаларида Монро операция қилиша қарор қилганини ёзган. Тиббий маълумотларга кўра, 1950 йилда унинг иягини янада нозик қилиш учун тоғай қўйилган. Аммо кўп нарса актрисанинг камера олдига қанчалик моҳирона суратга тушганига қараб ҳал қилинган (юқоридаги коллажда).
Вақт ўтиши билан Гурдиннинг сўзларига кўра, имплант эрий бошлайди. Хуллас, актрисанинг 1962 йилда суратга олинган сўнгги «Нимадир юз бериши керак» (юқоридаги расм) фильмида Монронинг мимикалари янада жонлироқ кўринади — кулаётганда ҳамманики каби унинг қўш иягини кўришингиз мумкин.
Голливуд юлдузи дудуқланмаслик учун тўхтаб-тўхтаб гапирган
Актриса болалик пайтидаёқ дудуқланишдан азият чекарди. Логопед унга дудуқланишни тўхтатиш учун махсус томоқ техникасини ўргатади. Кейинчалик томоқли талаффуз услуби Монронинг «ташриф қоғози»га айланди. Бироқ Мерилин сўнгги фильми «Нимадир юз бериши керак» (юқоридаги расм)да суратга тушаётганда дудуқланиши қайталанади, шу сабабли ҳам репликани ўзлаштириши қийинлашган.
Мерилин Монро рангли контакт линзалардан фойдаланган
Мерилин Монронинг турли йилларда олинган суратларини ёки турли фильмлардан олинган кадрларни солиштирсангиз, унинг кўз ранги баъзи жойларда ҳар хил эканлигини сезасиз. Актрисанинг суратларини текширган шифокорлар Монро рангли линзалар тақиб юрган ва миопиядан азият чеккан бўлиши мумкин деган хулосага келишди.
Айтишларича, Мерилин Монронинг оёқлари номутаносиб равишда қисқа бўлган
Актриса қоматининг нисбати ўша пайтдаги гўзаллик меъёрларига жавоб бермасди. Масалан, унинг бошини катта, танасига нисбатан оёқларини калта деб ҳисоблашган. Эҳтимол, шунинг учун кўпчилик учун Мерилин ўзидан пастроқ бўлиб туюлган.
Монро кийимлар ёрдамида ўз қад-қоматини қандай таъкидлашни биларди — у белига камар тақишни яхши кўрган. Ушбу услуб оёқларни визуал равишда узун, бўйини эса баландроқ кўрсатишга ёрдам берган.
Актриса узоқ вақт табассуми устида ишлаган
1945 йилда Мерилин Монро биринчи иш жойи — моделлик агентлигига келганида, унга табассум нотўғри эканлигини айтишади. Мутахассисларнинг фикрига кўра, қиз жуда кенг табассум қиларди, шунинг учун бурни атрофидаги чуқур ажинлар кўриниб, бурни эса катта бўлиб туюларди.
Мерилинга майин табассум қилишни ўргатишган, шунда актрисанинг юзи қувончни ифодалаганда лаблари титраган.
Мерилин Монро бурнидан кўнгли тўлмаган
Актриса бурнини катта деб ҳисоблаган ва уни доимо ниқоблашга ҳаракат қилган. Бир муддат ўтгач унинг бурни бошқача кўрина бошлайди. Пластик жарроҳларнинг таъкидлашича, Монро кичик ринопластика қилдирган.
Бироқ мумкин бўлган тиббий аралашувдан кейин ҳам Мерилин бурнидан кўнгли тўлмайди. Шунинг учун пардозда контурдан фойдаланади. Шундай қилиб, актриса бурнини визуал равишда ингичкалаштиради.
Голливуд юлдузи асабий ва таъсирчан бўлган
Мерилиннинг болалиги қийин кечади. У отасини танимасди, тез-тез меҳрибонлик уйларида яшаган, ёшлигидан эркаклар томонидан қўпол ҳужумларга дуч келган. Буларнинг барчаси қизнинг асаб тизимига таъсир қилмаслиги мумкин эмасди.
Баъзида Монро ўзининг юлдузлигини ёмон кўрарди. У ошкораликдан қочади, баъзида тахаллуслар остида яширинади, яширин дўстлар ва яширин квартиралар орттиради.
Икки томонлама ҳаёт актрисанинг психологик ҳолатига таъсир қилади. Монро руҳий травмадан азият чекади, шунинг учун у тез-тез дорилар ва психологлар ёрдамига мурожаат қилади. Ҳатто бир марта психиатрия шифохонасида ҳам даволаниб чиқади.
Мавзуга доир:
Изоҳ (0)