Instagram тармоғида Dili.me тахаллуси билан машҳурликка эришган Дилшод Назаров «Дарё» интернет-нашрига эксклюзив интервью берди. Интервьюни «Дарё» мухбири Феруз Муҳаммад ташкиллаштирди.
Дилшод Назаров Ўзбекистон давлат санъат ва маданият институтига уч марта имтиҳон топширса ҳам ўта олмагани, тренддаги машҳурлар томонидан тан олиниб, уларнинг клипларида бош ролларни ижро этса ҳам, институт томонидан тан олинмагани ва руҳан синиб киракашлик қилгани ҳақида гапириб берди.
Бу саволга келганда эгилдим, чунки ўша пайтда эгилтириб қўйишган.Маълумот учун, Дилшод Назаров 1999 йил Тошкент шаҳрида дунёга келган. Тошкент Эстрада вас ирк коллежида таҳсил олган. Ҳамдам Собиров, Достон Эргашев, Жаҳонгир Позилжонов ва яна кўплаб хонандаларнинг видео клипларида бош ролларни ижро этган. Instagram тармоғида 2,8 миллион кузатувчиси бор. Уйланган.Маҳоратимни блогерликда қўлдан келганча кўрсатдим, одамларга хуш келди. Нимага айнан шу университетдаги устозларга хуш келмадим? Ҳозирги кунда трендда турган хонандаларнинг клипларида ўйнаб, актёр сифатида тан олиняпман-да, нимага университетда тан олинмайман?
Майли ҳар бир ишда ҳикмат бор.
Биринчи йил киролмаганимда қаттиқ стрессга тушиб қолганман.
Келинг, гапни коллеждан бошлай.
Мактабни битирдим, коллежга киришим керак. Эстрада ва цирк коллежининг «Вокал» йўналишига топширганман. Чунки ёшлигимдан қўшиқчиликка қизиқиб келганман. Актёрлик маҳорати тушунчаси ҳақида биламан, лекин унинг устида ишламаганман. Вокал бўйича шуғулланганман.
Коллежга топширдим, овозингда хрип бор, вокалга киролмайсан дейишди. «Мен даволанаман, санъатда қолишим керак. Овозимни даволаб келай, бошқатдан эшитиб кўринг. Илтимос, имкон беринг», деб кетдим.
Бир ой овозимни катта пулга даволатдим. Яна топширдим. «Йўқ, хрипинг бор, вокал йўналишида давом эттиролмайсан», дейишди.
Агар мен санъат коллежига киролмаганимда, Солиқ коллежида ўқишимга тўғри келарди. Уйдагиларим шуни хоҳлашган. Лекин бу соҳа менга 180 градус тескари.
Кейин мен «Санъатда қолай, менга санъат ёқади» деганимда, директоримиз актёрлик маҳоратида ўзимни синаб кўришимни айтди. Устоз беришди, бир ҳафта тайёргарлик кўрдим. Актёрлик ўзимга ёқиб қолди. Қанақадир янгиликларни ҳис қилдим. Топширдим ва имтиҳондан ўтдим. 300-400 болани ичидан 22 нафарини коллеж қабул қилган. Саралаш 4-босқичда бўлган. Анча қийин кечган. Ўз кучим билан, курашиб, тиришиб ўтганман, Аллоҳга шукр.
Кейин коллежда жуда фаол бўлишга ҳаракат қилдим. Охирги йилларда жуда фаол қатнашдим. Биринчи йили менга бошқача туюлди, худди боғчадагидек, гиламларда ўтириб, ётиб дарслар ўтиларди, хуллас, бошқача атмосфера. Эрталаб 10-11 ларда дарсга кирамиз, кечки пайт 7-8 ларда чиқиб кетамиз. Курсдошларимиз билан зўр бўлганмиз, актёрлик маҳорати менга роса ёқди.
Ёшликдан бирга катта бўлган ўртоқларим билан вокалга топширганман, улар вокалга кирган, мен актёрлик маҳоратига кирганман. Уларга ҳазиллашиб: «Актёрлик зўр экан, вокални йиғиштираверинглар» дердим.
Шу билан коллежни битирдик, кейин университетга ўқиш даври келди. Топширдим, қўлдан келганча ҳаракат қилдим. Балки менда ҳам айб бўлиши мумкин, ҳа деб битта томонни айблайвериш ҳам хато. Қарс икки қўлдан чиқади. Одам институтга киролмаса, ҳар хил айблаб кўради-да. «Гаплашилган, пули борлар кириб кетди, таниши борлар кириб кетди», ва ҳоказо. Балки маҳоратим бўлмагандир, балки мен ниманидир етказиб беролмагандирман. Иккинчи ва учинчи мартасида қаттиқ тайёргарлик кўрганман. Лекин барибир йиқилганман, жуда кам балл қўйишган. Шундан кейин, мен тирикчилигимни қилақолай деб қўл силтадим.
Мен ҳозир ўқияпман, шу йил ўқишга кирдим, Тошкент Амалий фанлар университетида таҳсил олишни бошладим. Ўзим реклама қилган жой эди, таклиф қилишди, IT соҳаси бўйича ўқияпман.
Дилшод Назаров, актёр, блогер, хонанда
Изоҳ (0)