«Чилонзор» йўналишидаги «Пушкин» бекатига 14 декабрь куни соат 08:00 атрофида кириб келган поезд носозлик сабаб тўхтаб қолди. Ҳолат юзасидан «Тошкент метрополитени» ахборот хизмати маълумот берди.
Қайд этилишича, 2-сонли ҳаракат таркибининг айрим ёритиш мосламаларида қисман носозлик ҳолати кузатилган. Машинист томонидан белгиланган йўриқномага асосан фуқаролар ва ҳаракат хавфсизлигини таъминлаш мақсадида йўловчилар бекатга туширилиб, соат 08:05 да ушбу поезд текширув пункти томон ҳаракатланган.
Ҳозирги вақтда барча поездлар белгиланган жадвал асосида ҳаракатланмоқда. Келтирилган ноқулайлик юзасидан барча йўловчилардан узр сўраймиз, — дейилади хабарда.
Мавзуга доир:
- Тошкент метросида яна носозлик кузатилди
- Тошкент метросида поезд туннелда тўхтаб қолди
- Тошкент метроси вагонида «свет» ўчиб, поезд тўхтаб қолгани бўйича қўшимча маълумот берилди
- Тошкент метросида яна поезд тўхтаб қолгани айтилмоқда (видео)
- «Тошкент метрополитени» ўриндиқдан ток чиққани айтилган видеога муносабат билдирди (видео)
Изоҳ (0)