Шавкат Мирзиёев 13 декабрь куни Учтепа туманига ташриф буюриб, олдиндан тайёрланган кўчаларга эмас, бошқа кўчаларга киргани, аҳвол қониқарли эмаслиги хабар қилинганди. Танқидлардан сўнг масъуллар тезкорлик билан зарур чораларни кўрмоқда, деб хабар берди Уй-жой коммунал хизмат кўрсатиш вазирлиги.
Таъкидланишича, президентнинг Учтепа туманидаги кўп қаватли уйлар, хусусан, «Ширин» маҳалласи 26-уйга ташрифи давомида кириш йўлакларини музламалардан тозалаш, аҳолига хавфсиз ва қулай шароитларни яратиш бўйича билдирган эътироз ва танбеҳи юзасидан масъуллар тезкор чоралар кўрмоқда.
Муз қопламаларини эритиш ва уй атрофини тозалаш ишлари амалга оширилмоқда.
Шунингдек, республика миқёсида барча бошқарув ташкилотларига кўп қаватли уйларнинг кириш йўлакларини қор ва музлардан тозалаш, уй атрофининг озодалигига эътибор қаратиш ҳамда аҳолига муносиб хизмат кўрсатиш бўйича тезкор топшириқлар берилди.
Изоҳ (1)
Uy egalarini qōli singanmi nima uchun ularni uyini ostonasini birov tozalab berishi kerak