«Дарё» интернет-нашри Тошкент шаҳри ҳокимлиги қошидаги Жамоатчилик кенгаши билан биргаликда «Маҳалла. Муаммо. Мулоҳаза» лойиҳасини тақдим этиб келмоқда. Лойиҳанинг 10-сони мавзуси «Ахборот воситалари ва давлат органлари муносабати» бўлиб, дастур меҳмони сифатида блогер Умид Ғофуров таклиф этилди.
«Troll.uz» асосчисининг айтишича, матбуот хизматлари маълумотларни фуқароларга нормал тил билан етказиши, халқ фикрларини қабул қила олиши ва уларни ҳокимиятга етказиши керак.
Бизда эса бунинг тескариси. Ҳокимият қайсидир маълумотларга таяниб, қандайдир маълумот йиғади-да, битта қилиб юборади «Ҳаммаси зўр бўлди» деб. «Тепага» жўнатиладиган ҳисоботларда ҳам ҳамма нарса зўр қилиб кўрсатилади.Менимча, вазирлар, ҳаттоки, бош вазир, президент ҳам ҳаётимиз зўр деб ўйлаши мумкин. Чунки уларгача етиб бормайди-да муаммолар. Қачонки улар интернетни кўриб, ўзлари ўрганса, кейин нимадир ўзгаради. Унда ҳозирги маҳалла раислари нима учун керак? Улар шу муаммоларни йиғиши керак, тизимли тарзда ҳукуматга етказиши керак. Ўзининг ишини қилиш керак.
Тепага мана шу маълумотлар етиб бормагандан кейин, пастга «биз сити қурдик» деган янгилик келади. Совқотиб ўтирган одам сити ҳақидаги маълумотни ўқиса, ғазаби келади, — дейди Умид Ғофуров.
Кўрсатувни тўлиқ тарзда «Дарё»нинг YouTube’даги саҳифаси орқали томоша қилиш мумкин.
Изоҳ (0)