Ijtimoiy tarmoqlarda “Yunusobod” metro yo‘nalishining “Turkiston” bekatida poyezdlar eshigi bilan bog‘liq muammo yuzaga kelgani haqida xabarlar tarqaldi.
Unda aytilishicha, dastlab vagon eshiklari ochilmay qolgan. Eshiklar ochilib, yo‘lovchilar kirganidan 10 daqiqa o‘tgach, barchadan tushish so‘ralgan. Mashinistning nosozlikni bartaraf etishga qaratilgan harakatlari samara bermagan, natijada harakat tarkibini yangilashga qaror qilingan.
Bu vaqt davomida poyezdlar ortidan yana 3 ta harakat tarkibi kelib qolib, yo‘l ochilishini kutib qolgan.
Metropoliten ma’muriyati holatga izoh berdi. Unga ko‘ra, texnik nosozlik 27-oktabr kuni soat 20:05 da “Turkiston” bekatidan harakatlanishni boshlagan 62-sonli harakat tarkibida holati kuzatilgan. Belgilangan yo‘riqnomaga asosan mashinist tomonidan yo‘lovchilar bekatga tushirilgan. Harakat tarkibi esa, texnik ko'rikdan o‘tkazish maqsadida shu bekatning tekshiruv yo‘lagiga yuborilgan.
Hozirda barcha poyezdlar belgilangan jadval asosida harakatlanmoqda.
Izoh (0)