Бразилияда сайловда мағлуб бўлган собиқ президенти Жаир Болсонаро тарафдорлари иштирокида тартибсизликлар бўлиб ўтди. Бу ҳақда Deutsche Welle хабар берди.
Маълум қилинишича, Жаир Болсонаро тарафдорлари бир нечта машинага ўт қўйиб, федерал полиция штаб-квартирасига бостириб киришга, шунингдек, ўша пайтда амалдаги президент Луис Инасиу Лула да Сильва бўлган меҳмонхонага ҳужум қилишга уринган. Полицияга тош отган намойишчиларни тарқатиш учун ҳуқуқ-тартибот идоралари ходимлари резина ўқ ва кўздан ёш оқизувчи газ ишлатишга мажбур бўлган.
Тартибсизликларга полиция Болсонаро тарафдорларидан бирини ҳибсга олишга ордер берганидан кейин содир бўлган.
Болсонару 2018 йил кузида биринчи марта президент этиб сайланган, 2019 йил январида эса лавозимига киришган эди. У ўзининг ўта ўнг ва популистик қарашлари, Бразилия ҳарбий диктатурасига мойиллиги ҳамда феминизм ва ЛГБТ ҳамжамиятларига қарши нутқлари билан танилган. Россия Украинада махсус операция бошлагач, у Бразилия бетарафлик позициясини эгаллашини ва Москвага қарши санкциялар киритмаслигини маълум қилди.
2016 йилда Лула Петробрас давлат нефть компаниясида коррупция ва пул ювиш ҳақидаги иш бўйича 12 йилга ҳукм қилинган эди. Бу воқеа атрофидаги можаро натижасида 2016 йилда Дилма Руссефга нисбатан ҳам импичмент эълон қилинди. У Луланинг президент лавозимидаги давомчиси ва Ишчилар партияси бўйича маслакдоши эди. Собиқ президентнинг ўзи, апелляция ҳуқуқидан фойдаланиб, озодликда юрган, 2021 йилда эса Бразилия Олий суди унга нисбатан ҳукмларни бекор қилган.
Изоҳ (0)