Mazali nonushta: 15 daqiqada tayyor bo‘ladigan fransuzcha yegulik retsepti

Agar kundalik oilaviy ratsioningizni o‘zgartirishni rejalashtirayotgan bo‘lsangiz, nonushta uchun mazali fransuz tosti bu borada yaxshi tanlov bo‘la oladi. Atigi 10-15 daqiqada tayyor bo‘ladigan shirinlikka o‘zingizga yoqqan mevalarni qo‘shishingiz mumkin.

• 6 ta bug‘doy unidan tayyorlangan non bo‘lagi 
• sut — 2-3 stakan
• tuxum — 2 ta
• sariyog‘ — 1 qoshiq
• vanilin — 1 qoshiq
• maydalangan dolchin — 1 qoshiq
• tuz — ta’bga ko‘ra

1. Chuqur idishda mikser yoki blender yordamida sut, tuxum, vanilin, dolchin va tuzni ko‘pirtiring.
2. Katta tovaga sariyog‘ soling va uni o‘rtacha olovda qizdiring.
3. Har bir non bo‘lagini tuxumga botirib oling. Uni tovaga solib qizargunga qadar har tomonini qovurib oling.
4. Shirinlikka murabbo, asal, yeryong‘oq, kokos qirindisi, rezavor mevalar yoki boshqa o‘zingizga yoqqan mahsulotlarni qo‘shib, dasturxonga tortishingiz mumkin.

Yoqimli ishtaha!

Mavzuga doir:

• Yasmiq qo‘shib turkcha qovoqli sho‘rva tayyorlaymiz.
• Tanadagi yog‘larni eritishga yordam beradigan 4 xil mazali sho‘rva retsepti.
• Mol go‘shti va kartoshkadan mazali taom tayyorlaymiz.
• Kolbasa, pishloq va pomidor qo‘shib pechda pishiriladigan mazali lavash retsepti.