Фақат Алек Болдуин эмас: суратга олиш майдончасида содир бўлган энг машҳур 5 та фожиа
2021 йилда Алек Болдуин янги фильмнинг суратга олиш майдончасида оператор ва режиссёрни отиб қўйгани ҳақидаги хабар бутун дунёни ҳайратда қолдирди. Қуйида камералар остида содир бўлган сўнгги йилларнинг энг даҳшатли фожиаларини ёдга оламиз.
«Занг»
Баъзида фильм суратга олиш жойи жуда хавфли жойга айланади. Буни «Занг» фильми устида ишлаётганда содир бўлган фожиа тасдиқлайди. Фильмда бош ролни ижро этган Алек Болдуин реквизит қурол билан оператор ва режиссёрни яралаган. Режиссёр омон қолган бўлса-да, оператор — Галина Хатчинс воқеа содир бўлган куни вафот этади.
Фожиа кимнинг айби билан содир бўлгани ҳозиргача номаълум. Фақат шуниси маълумки, ўқсиз тўппончада ростакам ўқлар бўлган. Фильмнинг кейинги тақдири номаълум, аммо прокатга чиқиши учун барча имкониятлар мавжуд. Буни бутун ҳаёти давомида жуда кўп фожиаларни кўрган кинонинг кўп йиллик тажрибаси тасдиқлаш мумкин.
«Қарға»
1994 йилда «Қарға» триллерини суратга олиш жараёнида таниқли актёр Брюс Лининг ўғли, бош рол ижрочиси Брендон Ли вафот этди. Сюжетга кўра, актёрни ўқи йўқ тўппончадан отиш керак эди. Аммо тўппончада қолиб кетган ўқ тўсатдан отилиб кетади. Ўқ ошқозонни тешиб, актёрнинг умуртқа поғонасига тегади. Натижада жароҳатдан 12 соатдан ортиқ тўхтамай қон кетган.
Оператор ва монтажчилар қотилликнинг реал саҳнасини кесиб ташлашга қарор қилишади: эпизод қайта суратга олинади, фожианинг оригинали эса йўқ қилинади.
«Моҳир мерган»
Тони Скоттнинг 1986 йилда бош ролни Том Круз ўйнаган «Моҳир мерган» фильми ҳаво жанглари ва ҳаводаги трюклари билан машҳур. Суратга олишда иқтидорли виртуоз учувчи Арт Шолл иштирок этади. Мазкур фильмдан ташқари у бир нечта фильмларда ҳам рол ўйнаган бироқ бу картина унинг сўнгги ишига айланишини умуман хаёлига ҳам келтирмаган.
«Троя»
2004 йилда «Троя» тарихий драмаси экранларга чиқади. Бундай фильмни суратга олиш қанчалик оғир бўлишини тасаввур қилиш қийин эмас. Аввалига Бред Питт узоқ вақтгача асорати қолган оғир жароҳат олади.
Кейин эса бодибилдингчи Жорж Камиллери жанглардан бирини суратга олиш пайтида оёғини синдириб олади. Уни клиникага олиб кетишади ва шошилинч жарроҳлик амалиёти ўтказишади. Жароҳатнинг асоратлари бўлгани учун Жорж касалхонада бир муддат ётиши кераклигини айтиб, уни олиб қолишади. Афсуски, шифокорлар актёрни қутқара олмайдилар — икки ҳафтадан сўнг суратга олиш гуруҳига бодибилдернинг ўлими ҳақида хабар берилади.
«Қора рицар»
Ҳозирда Кристофер Ноланнинг «Қора рицар» фильмини томоша қилмаган одамни топиш қийин. Бироқ 2008 йилда суратга олиш ишлари даҳшатли фожиа туфайли тўхташ арафасида бўлганини кўпчилик билмайди.
Маълумки, бош рол ижрочиси — Хит Лежер фильмнинг ўзи чиқишидан бироз олдин вафот этади. Фильм титрига «Хит Лежер ва Конвей Уиклиф хотирасига бағишланади» деган ёзув қўшилади. Конвей Уиклиф махсус эффектлар бўйича мутахассис сифатида ишлаган ва суратга олишнинг биринчи куниданоқ ҳозир бўлган. Иш сменаларидан бирида у Кристиан Бэйл парчалаб ташлаган бетмобилни синаб кўриши керак эди. Даҳшатли тасодиф туфайли Конвей бошқарувни йўқотади ва катта тезликда дарахтга урилади — эркак омон қолмайди.
Мавзуга доир:
- Қайта туғилиш: ўлим ёқасида турган, бироқ мўъжизавий тарзда комадан чиққан Голливуд юлдузлари
- «Куйлашни қайтадан ўрганяпман»: Россиялик хонанда МакСим коронавирусдан кейин овозидаги муаммолар ҳақида сўзлаб берди
- Суратга олиш жараёнида патрнёрига нисбатан жавобсиз муҳаббатни бошдан кечирган Голливуд юлдузлари (фото)
