Хонанда Анвар Санаев «Омон-омон» кўрсатувига берган интервьюсида ёшлиги, ота-онаси қаттиққўл бўлгани ва фарзандлари ҳақида гапириб берди.
Анвар Санаев болалиги, ота-онаси жуда қаттиққўл бўлгани ҳақида
Бизнинг болалигимиз сокин, тинч ўтган. Шўх бўлмаганман, бу уйдаги тарбияга ҳам боғлиқ бўлса керак. Ота-онам жуда қаттиққўл бўлган, кўп ҳолларда уйда бўлар эдик. Дарсни ҳам ўз вақтида қилиб, ўз вақтида ухлаганмиз. Кечки пайт уйдан ҳеч қаерга чиқаришмас эди. Ҳозиргача фарзандларимга қаттиққўлман. Оиладан нима кўрган бўлсак, ҳозиргача шу.
«Икки ўғлим АҚШда таҳсил олади»
Ҳозир фарзандларим билан ижтимоий тармоқлар орқали ҳар куни гаплашиб турамиз, ундан ташқари борамиз ҳам. Икки ўғлим ҳам АҚШда таҳсил олади. Каттаси катта теннис билан шуғулланади. Кичкиналигидан Денис Истомин мактабига берганмиз. Видеоларини олиб, Америкага жўнатганида таклиф қилишди, кетди. Кичкинаси эса дастурчи. У ҳам ўтган йили АҚШга ўқишга кирди.«Агар уларда ‘ёриб чиқадиган’, зўр истеъдодни кўрганимда санъатда қолдирар эдим»
Кичкина ўғлим ва қизим бошида санъатни танлаган эди. Бунга ўзим қарши бўлдим, сабаби санъатда зўр бўлмаса бўлмайди. Агар уларда ‘ёриб чиқадиган’, зўр истеъдодни кўрганимда санъатда қолдирар эдим.
Хонанда, шунингдек, онаси билан боғлиқ хотираларини ёдга олди
Отам шоир бўлгани учун онам шеър ёзиб беринг деб қистар эди. ‘Севаман’ деган шеърларни ёзиб беринг, айцин дерди. Онам вафот этгандан кейин ‘Мен севаман’ деган шеърни атайин ёзганмиз. Бу шеър қўшиққа айланган.
Мавзуга доир:
Изоҳ (0)