2021-yilda Alek Bolduin yangi filmning suratga olish maydonchasida operator va rejissorni otib qo‘ygani haqidagi xabar butun dunyoni hayratda qoldirdi. Quyida kameralar ostida sodir bo‘lgan so‘nggi yillarning eng dahshatli fojialarini yodga olamiz.
“Zang”
Ba’zida film suratga olish joyi juda xavfli joyga aylanadi. Buni “Zang” filmi ustida ishlayotganda sodir bo‘lgan fojia tasdiqlaydi. Filmda bosh rolni ijro etgan Alek Bolduin rekvizit qurol bilan operator va rejissorni yaralagan. Rejissor omon qolgan bo‘lsa-da, operator — Galina Xatchins voqea sodir bo‘lgan kuni vafot etadi.
Fojia kimning aybi bilan sodir bo‘lgani hozirgacha noma’lum. Faqat shunisi ma’lumki, o‘qsiz to‘pponchada rostakam o‘qlar bo‘lgan. Filmning keyingi taqdiri noma’lum, ammo prokatga chiqishi uchun barcha imkoniyatlar mavjud. Buni butun hayoti davomida juda ko‘p fojialarni ko‘rgan kinoning ko‘p yillik tajribasi tasdiqlash mumkin.
“Qarg‘a”
1994-yilda “Qarg‘a” trillerini suratga olish jarayonida taniqli aktyor Bryus Lining o‘g‘li, bosh rol ijrochisi Brendon Li vafot etdi. Sujetga ko‘ra, aktyorni o‘qi yo‘q to‘pponchadan otish kerak edi. Ammo to‘pponchada qolib ketgan o‘q to‘satdan otilib ketadi. O‘q oshqozonni teshib, aktyorning umurtqa pog‘onasiga tegadi. Natijada jarohatdan 12 soatdan ortiq to‘xtamay qon ketgan.
Operator va montajchilar qotillikning real sahnasini kesib tashlashga qaror qilishadi: epizod qayta suratga olinadi, fojianing originali esa yo‘q qilinadi.
“Mohir mergan”
Toni Skottning 1986-yilda bosh rolni Tom Kruz o‘ynagan “Mohir mergan” filmi havo janglari va havodagi tryuklari bilan mashhur. Suratga olishda iqtidorli virtuoz uchuvchi Art Sholl ishtirok etadi. Mazkur filmdan tashqari u bir nechta filmlarda ham rol o‘ynagan biroq bu kartina uning so‘nggi ishiga aylanishini umuman xayoliga ham keltirmagan.
“Troya”
2004-yilda “Troya” tarixiy dramasi ekranlarga chiqadi. Bunday filmni suratga olish qanchalik og‘ir bo‘lishini tasavvur qilish qiyin emas. Avvaliga Bred Pitt uzoq vaqtgacha asorati qolgan og‘ir jarohat oladi.
Keyin esa bodibildingchi Jorj Kamilleri janglardan birini suratga olish paytida oyog‘ini sindirib oladi. Uni klinikaga olib ketishadi va shoshilinch jarrohlik amaliyoti o‘tkazishadi. Jarohatning asoratlari bo‘lgani uchun Jorj kasalxonada bir muddat yotishi kerakligini aytib, uni olib qolishadi. Afsuski, shifokorlar aktyorni qutqara olmaydilar — ikki haftadan so‘ng suratga olish guruhiga bodibilderning o‘limi haqida xabar beriladi.
“Qora ritsar”
Hozirda Kristofer Nolanning “Qora ritsar” filmini tomosha qilmagan odamni topish qiyin. Biroq 2008-yilda suratga olish ishlari dahshatli fojia tufayli to‘xtash arafasida bo‘lganini ko‘pchilik bilmaydi.
Ma’lumki, bosh rol ijrochisi — Xit Lejer filmning o‘zi chiqishidan biroz oldin vafot etadi. Film titriga “Xit Lejer va Konvey Uiklif xotirasiga bag‘ishlanadi” degan yozuv qo‘shiladi. Konvey Uiklif maxsus effektlar bo‘yicha mutaxassis sifatida ishlagan va suratga olishning birinchi kunidanoq hozir bo‘lgan. Ish smenalaridan birida u Kristian Beyl parchalab tashlagan betmobilni sinab ko‘rishi kerak edi. Dahshatli tasodif tufayli Konvey boshqaruvni yo‘qotadi va katta tezlikda daraxtga uriladi — erkak omon qolmaydi.
Mavzuga doir:
- Qayta tug‘ilish: o‘lim yoqasida turgan, biroq mo‘jizaviy tarzda komadan chiqqan Gollivud yulduzlari
- “Kuylashni qaytadan o‘rganyapman”: Rossiyalik xonanda MakSim koronavirusdan keyin ovozidagi muammolar haqida so‘zlab berdi
- Suratga olish jarayonida patrnyoriga nisbatan javobsiz muhabbatni boshdan kechirgan Gollivud yulduzlari (foto)
Izoh (0)