Дональд Трамп президентлик курсисидан тушганидан сўнг, кўпчилик унинг рафиқаси Трамп билан ажрашади дея тахмин қила бошлади. Қуйида собиқ биринчи хоним Мелания Трампнинг сайловлардан кейинги ҳаёти ҳақида маълумот берамиз.
2017 йилда Америка Қўшма Штатларининг биринчи хоними бўлган Мелания Трамп бутун дунёнинг эътиборини тортди. Дональд Трамп рафиқасининг услуби ва қилдирган пластик жарроҳлик амалиёти, шунингдек, уларнинг оила ичидаги муносабатлари матбуот ва интернетда муҳокама қилинди.
Масалан, кўпчилик турмуш ўртоқларнинг муносабатларида бефарқлик борлиги ҳақида гапирди — биринчи хонимнинг юзида табассум йўқлиги, шунингдек, эрига нисбатан баъзи хатти-ҳаракатлари шундан далолат беради.
Кўпчилик Трамплар Оқ уйни тарк этиши билан Мелания Дональд билан ажрашади, деб тахмин ҳам қилди. Буни тасдиқлагандек, биринчи хоним Оқ уйни қора либосда тарк этди, гўёки сўнгги йилларда унга оғриқ берган никоҳ билан хайрлашди.
Ҳаммаси аввалгидек
Оқ уйни тарк этса-да, Мелания сиёсат билан шуғулланишни тўхтатмади. У ҳали ҳам хайрия ва бошқа ижтимоий аҳамиятга эга тадбирларда қатнашади, ижтимоий тармоқдаги саҳифасида ёрдамга муҳтож бўлганлар ҳақида гапиради.
Аммо илгари унинг фотосуратлари деярли ҳар куни пайдо бўлган бўлса, энди унинг янги расмларини топиш осон иш эмас.
2021 йил июль ойида мухлислар ниҳоят Меланияни кўришди. Америка Қўшма Штатларининг собиқ биринчи хоними қиёфасида деярли ҳеч нарса ўзгармаганди: аввалгидек қора кўзойнак, енгил соч турмаги, жиддий юз ифодаси, монохром образ. Фақатгина бир фарқ бор — жозибали маникюр.
Кўринишидан, Мелания ёзда мароқли ҳордиқ чиқариб, янги куч билан пайдо бўлган кўринади. Ҳамма ерда уни эри ҳамроҳлигида юрганини кўриш мумкин.
Октябрь ойида эр-хотин кутилмаганда Ҳоустон Астрос ва Атланта Бравес ўртасидаги бейсбол ўйинига бирга келди. Мелания ва Дональд барчага табассум қилиб, уларда ҳаммаси яхши эканини бутун ташқи кўриниши билан кўрсатишди. Интернетда эҳтимол, эр-хотин сиёсатда янги поғона учун бирлашган деган гаплар тарқалди.
Худди шу назарияни тасдиқлагандек, ноябрь ойида Трамп хоним ҳатто меҳридарё қалби учун мукофот ҳам олди. У «Линколн руҳи» мукофоти билан тақдирланди.
Тадбирга Мелания турмуш ўртоғи ҳамроҳлигида келган. Суратга берилган изоҳларда Мелания энди АҚШнинг биринчи хоними эмаслигидан афсусланишлари, шу билан бирга, кўпчилик ҳали ҳам Трампларни «биринчио хоним ва жаноб президент» деб аташлари ёзилган.
Айтганча, ўша оқшом Мелания қанчалик ажойиб кўринишга эга эканлигини алоҳида таъкидлаш керак. Башанг Валентино кўйлаги, доимгидек баланд пошнали туфли, орқага йиғилган соч ва севимли смоки бу кўринишни чинакамига ҳашаматли қилди.
Декабрь ойи бошида Трамп хоним Республикачилар партияси билан Рождество митингида учрашганида бетакрор образи билан яна порлади. Тадбирга келган Мелания Алаиа либосида бенуқсон кўринарди.
Интернетда кўпчилик эр-хотин нафақат тез-тез омма олдида пайдо бўлишни, балки бир-бирларига бўлган ҳис-туйғуларини ғурур билан намойиш этишларини таъкидладилар. Энди улар қўл ушласшиб юради, бир-бирини бағрига босади, романтик рақсга тушишади - умуман олганда, улар Дональд президентлик йилларида кўпчилик улардан кутган ҳамма нарсани қилишади.
Бироқ интернет фойдаланувчилари орасида Мелания ўз ролини жуда яхши ўйнамоқда, деган фикрлар ҳам бор. Мисол учун, ушбу фотосуратда кўпчилик Трамп хонимнинг табассумини мажбурий ва «пластик» деб ҳисоблайди.
Ушбу тадбир ташкилотчиси Эшли Гарри Мелания ва Дональд энг ёқимтой ва камтар эканини эканлигини таъкидлади.
Буларнинг бир қисми бўлиш қандай бахт. Президент Трамп билан гаплашиш ва гўзал биринчи хоним билан учрашиш мен учун шараф. Улар меҳрибон, замонавий, ажойиб ва камтар одамлар, — дейди Гарри ўзининг Instagram саҳифасида.Мелания яна биринчи хоним мақомига қайтишга тайёрланяптими ёки йўқми, ҳозирча номаълум. Шундай бўлса-да, Трамп хоним тўлиқ қуролланган: у мафтункор, ёқимтой, ҳамма ундан кўз узолмайди — энг муҳими, Меланиянинг шахсий ҳаёти ҳали ҳам миллионлаб одамларни ҳаяжонлантиради.
Мавзуга доир:
- Мукаммал жуфтлик: президентлар ва биринчи хонимларнинг бир-бирига уйғун бетакрор образлари (фото)
- Оқ уйдан кейинги ҳаёт: президентлик муддатидан сўнг АҚШнинг собиқ биринчи хонимлари нима билан шуғулланади?
- Абадий классика: малика ва биринчи хонимларнинг ҳеч қачон урфдан қолмайдиган 6 та соч турмаги
- Меваларга бой рацион ва тизимли овқатланиш: Мелания Трампнинг фастфудни яхши кўришига қарамай, сарвқомат экани сабаби нимада?
Изоҳ (0)