Америкалик миллиардер Илон Маск Tesla юк машиналарининг иккинчи авлодини намойиш қилди. Автомобиль тақдимоти Tesla Daily YouTube каналида трансляция қилинди.
«Бу машина келажакдан келганга ўхшайди, қизиқарли, қойилмақом кўринади, ўзингизни худди Tesla ҳайдаётгандек ҳис қиласиз», — деди Маск. Моделга Beast (Маҳлуқ) деб ном берилган.
Маск янги машинани гепарддек ҳаракатланувчи филга қиёслади. Тадбиркорнинг сўзларига кўра, машина тезлигини нисбатан тезроқ оширади ва тормоз тизими анча яхшиланган. Янги моделнинг нархи ҳали эълон қилинмаган.
Маскнинг таъкидлашича, Beast барча мавжуд юк машиналаридан уч баравар кўп қувватга эга. Синов пайтида машина бир заряд қилинганда 500 мил яъни 800 километр йўлни босиб ўтган. Юк машиналарининг биринчи партияси Pepsi компаниясига етказиб берилади.
Tesla юк машиналарининг биринчи авлоди 2017 йилда тақдим этилган. Ўша пайтда ҳам Pepsi 100 та юк машинасидан иборат биринчи партияга буюртма берган. Олдинги модель Семи деб номланган. 2018 йилда Маск бошқарувчисиз Семини тақдим этди.
Изоҳ (0)