Тиббиёт ва хавфсизлик бўйича мутахассис International SOS ташкилоти Афғонистонни 2023 йилда саёҳат учун дунёдаги энг хавфли давлат деб атади.
«Хатарлар харитаси 2023» ҳисоботига кўра, ташкилот Сурияни ташриф учун иккинчи энг хавфли жой деб топган. Ундан кейин Украина, Мали ва Ироқ турибди.
2023 йилги рўйхатда энг сезиларли контраст Украина ва Мали бўлди. Қолган давлатлар 2022- ва 2021 йилги рўйхатларда мавжуд эди.
Хавфсизлик даражаси «фавқулодда» деб таснифланган бошқа давлатлар қаторига Марказий Африка республикаси, Яман, Сомали ва Жанубий Судан, шунингдек, Нигериянинг бир қисми, Конго демократик республикаси, Покистон, Мозамбик ва Исроил киради.
International СОС ўзининг йиллик хатарлар рейтинги ҳисоботида Украинадаги можаро ва сўнгги пайтларда Европада яшаш нархи инқирози туфайли ижтимоий норозилик кучайганига қарамай, Европада хавфсизлик «барқарор» қолаётганини таъкидлади. Буюк Британия, Германия ва Франция каби мамлакатларда хатарлар даражаси паст.
Шимолий Африканинг Саҳел минтақасида ҳам жангарилар хавфи ва жиноятчиликнинг ортиши сақланиб қолмоқда. Пандемиянинг ижтимоий-иқтисодий таъсири туфайли Колумбия ҳам рўйхатга қисман қўшилди.
Рўйхатнинг қарама-қарши томони — энг хавфсиз давлатлар қисмидан Норвегия, Финляндия, Швейцария, Дания ва Исландия каби давлатлар ўрин олган
Изоҳ (0)