Эрталаб нонушта учун тайёрланадиган мазали пишириқларни истеъмол қилиш инсонга ажойиб кайфият бағишлайди. The Voice нашри уй бекалари учун гилосли запеканка ва картошкали тортилья рецептини тақдим этди.
Творог ва гилос қўшиб тайёрланадиган хуштаъм запеканка рецепти
Творог ва гилосдан тайёрланадиган запеканка мазали таъмга эга, унга ўзингизга ёққан шоколадни ҳам қўшсангиз бўлади. Гилос мавсуми бошланганда, ширинликнинг ичига янги узилган гилосни солинг — бу уни янада мазали қилади.
Керакли масаллиқлар:
- творог — 200 гр
- сули ёрмаси — 1,5 стакан
- табиий йогурт — 1 стакан
- шакар — 200 г
- музлатилган гилос — 1 стакан
- тухум — 2 дона
- ўсимлик ёғи — таъбга кўра
- Творог, тухум ва шакарсиз йогуртни идишга солиб аралашмани вилка билан силлиқ ҳолатга келгунга қадар аралаштиринг ёки блендердан фойдаланинг.
- Аралашмага шакар солинг (унинг миқдорини таъбингизга қараб қўшишингиз мумкин), ундан кейин сули ёрмасини қўшинг. Маҳсулотларга эритилган гилосни қўшинг ва яна аралаштиринг.
- Пишириш варағини фольга билан ёпинг ва унга ўсимлик ёғини суртинг. Аралашмани солинг, творог массасини текисланг. Запеканкани печга қўйинг ва тайёр бўлгунга қадар 30-40 дақиқа давомида пиширинг.
Картошкали тортилья
Картошкадан тайёрланадиган тортильяни, нафақат нонуштада, балки тушлик ва кечки овқатланишда ҳам истеъмол қилиш мумкин. Уни ўзингизга ёққан кўкатларни қўшиб ёки қайла билан есангиз ҳам бўлади.
Керакли масаллиқлар:
- картошка — 600-700 г
- пиёз — 1 дона
- тухум — 5 дона
- қаттиқ пишлоқ — 80 г
- сметана — 2 қошиқ
- ўсимлик ёғи, туз қалампир — таъбга кўра
- Картошка ва пиёзни ювиб тозалаб олинг. Маҳсулотларни юпқа қилиб тўғранг.
- Картошканинг ярмини пишириш идишида тенг равишда ёйинг. Пиёзнинг ярим ҳалқалари, кейин қолган картошкани солинг.
- Тухумни вилкалар ёрдамида аралаштиринг. Унга сметана ва майдаланган пишлоқ қўшинг. Аралашмага туз ва қалампир сепинг ва яна аралаштириб олинг.
- Тухум-пишлоқ массасига картошкани солинг. Тортильяни печга қўйинг ва 180 даража ҳароратда 40-50 дақиқа давомида пиширинг.
Мавзуга доир:
Изоҳ (0)