Қўй гўшти ва ясмиқдан хуштаъм шўрва тайёрлаймиз

Қўй гўшти қўшиб тайёрланадиган шўрва зира, кашнич, занжабил ва долчиннинг ёрқин таъми ва хушбўйлиги билан сизни ўзига ром этади. Унга ўзингизга ёққан кўкатларни ҳам қўшишингиз мумкин.

Керакли масаллиқлар:

• қўй гўшти — 600-700 г
• помидор шарбати — 400 г
• сабзи — 2 дона
• селдерей — таъбга кўра
• пиёз — 1 дона
• саримсоқ — 2 донача
• ўсимлик ёғи — 2 қошиқ
• майдаланган зира — 2 қошиқ
• майдаланган кашнич — 2 қошиқ
• майдаланган занжабил —  ярим қошиқ
• майдаланган долчин — ярим қошиқ
• сув — 2 л
• яшил ясмиқ — 100 г
• туз — таъбга кўра

1. Гўштни ўртача, помидор, сабзи ва селдерейни кичикроқ бўлакларга, пиёз ва саримсоқни майда қилиб тўғраб олинг.
2. Ўсимлик ёғини идишга солиб ўртача оловда қиздиринг. Қўй гўштини қизаргунча қовуринг. Унга пиёз, сабзи, селдерей ва саримсоқ қўшиб яна 3-4 дақиқа давомида қовуриб олинг.
3. Масаллиқларга майдаланган зира, кашнич, занжабил ва долчин билан сепинг ва яна 1 дақиқа оловда қолдиринг.
4. Ҳамма маҳсулотларнинг устига иссиқ сув қуйинг, помидор ва унинг шарбатини ҳам қўшинг. Таомни паст оловда 1 соат давомида қопқоқ остида пиширинг.
5. Унга ювилган ясмиқ, туз қўшинг ва яна 30-40 дақиқа давомида пиширинг.

Мавзуга доир:

• 30 дақиқа кифоя: олма, шоколад ҳамда мураббо қўшиб тайёрланадиган мазали пирог рецепти.
• Банан, печенье ва қуюлтирилган сутли крем қўшиб мазали трайфл ширинлигини тайёрлаймиз
• Бутун дунёда оммалашаётган Жанубий Корея десерти — Бенто тортини тайёрлаймиз
• Творогли мазали эклер ширинлигини тайёрлаймиз