20 дақиқада тайёр бўладиган 5 хил кечки овқат рецепти

Иш билан боғлиқ вазиятларда, меҳмонга борганда ёки бошқа бир сабаб билан уйга кечикиб келган кўплаб аёллар кечки таомни тайёрлашда тез тайёр бўладиган рецептларга мурожаат қилади. «Горяшая изба» нашри уй бекалари учун 20 дақиқада осон тайёрланадиган 5 хил таом рецептини тақдим этди.

Товуқли фахитас рецепти 

Кўп миқдорда таом истеъмол қилувчилар учун яхши рецепт. Тортилланинг барча маҳсулотларини алоҳида идишларга қўйиш мумкин, бундай ҳолатда ҳар ким ўз егулигига керакли бўлган маҳсулотларни солади. солмоқчи бўлган маҳсулотларни йиғади. Масалан, помидор, бодринг, пиёзни алоҳида ажратиб бошқа идишларга солиш мумкин.

Керакли масаллиқлар:

• товуқ филеси — 400 г
• булғор қалампири — 1 дона
• помидор — 1-2 дона
• бодринг — 1-2 дона
• салат барги — 1 боғ
• қизил пиёз — 2 дона
• тортиля хамири — 4 дона
• лимон — яримта
• майдаланган чили қалампири — ярим қошиқ
• туз — таъбга кўра

1. Товуқ филеси, булғор қалампири ва бир дона пиёзни куб шаклида тўғраб олинг. Унга туз ва қалампир қўшиб аралаштиринг. Маҳсулотларни пишириш варағига қўйинг ва 20 дақиқа давомида печга пишириб олинг. Бундай ҳолатда «грил» режимидан фойдаланган маъқул.
2. Товуқ пишаётган пайтда, салса тайёрланг. Бунинг учун помидор, бодринг ва пиёзни майда кубик шаклида тўғранг ва туз билан аралаштиринг.
3. Салат баргларини ювинг ва бўлакларга бўлинг.
4. Пишлоқни майдаланг.
5. Тортиляларни микротўлқинли печда ёки қуруқ қовурилган идишда қиздиринг. Уларнинг ҳар бирини маҳсулотлар билан тўлдиринг ва устига лимон шарбатини қуйинг. Шундан кейин егуликни дастурхонга тортишингиз мумкин.

Ушбу жюленни қаймоқли соусга нон бўлакларини солиб товада тайёрлаш мумкин. Агар таомни печда пишириб, устига пишлоқ солсангиз янада мазали бўлади.

Керакли масаллиқлар: 

• товуқ филеси — 300 г
• қўзиқорин — 200 г
• пиёз — 1 дона
• қаймоқ — 200 мл
• пишлоқ — 100 г
• туз — таъбга кўра
• қалампир — таъбга кўра
• ўсимлик ёғи — қовуриш учун етарлича

1. Пиёзни майда қилиб тўғранг.
2. Қўзиқоринлар ва товуқ гўштини каттароқ бўлакларга бўлиб олинг.
3. Товага бироз ўсимлик ёғи солиб пиёзни қовуринг. Унга товуқ гўштини қўшиб пиширинг.
4. Товага қўзиқоринларни солинг ва яна беш-ўн дақиқа қовуриб олинг. Масаллиқларга туз ва қалампир қўшиб аралаштиринг.
5. Қаймоқни товага солинг. Маҳсулотларнинг пишишини кутинг.
6. Таомнинг устига пишлоқ сепинг ва у эригунча масаллиқларни қопқоқ остида пиширинг.

Таомни тайёрлашда унга ўзингизга ёққан сабзавотларни қўшишингиз мумкин. Сабзавотлар шаклини йўқотмаслиги учун уларни таомга пишишидан бироз олдин солинг.

Керакли масаллиқлар:

• макарон — 300 г
• мол гўшти — 200 г
• черри помидори — 10 дона
• райҳон — ярим қошиқ
• туз — таъбга кўра
• ўсимлик ёғи — қовуриш учун 

1. Макаронни пишгунига қадар қайнатиб олинг.
2. Мол гўштини унча катта бўлмаган бўлакларга бўлинг ва товага ўсимлик ёғини қуйиб уни қовуриб олинг. Унга ярим бўлакларга бўлинган черри помидорларини қўшинг ва бир-икки давомида пишириб олинг.
3. Товага макарон, райҳонни қўшиб аралаштиринг. Таъбингизга кўра туз қўшинг ва дастурхонга тортинг.

Кечки овқат учун осон тайёрланадиган таомлардан бири пиццадир. Ушбу пиццага уйингизда бор бўлган масаллиқларни солишингиз мумкин. Пиццанинг янада мазали бўлиши учун турли хил пишлоқлардан фойдаланинг.

Керакли масаллиқлар:

• ун — 1 стакан
• сметана — ярим стакан
• майонез — 3 қошиқ
• тухум — 2 дона
• помидор — 1 дона
• булғор қалампири — 2 дона
• мол гўшти — 100 г
• пишлоқ — 100 г
• кетчуп — 2 қошиқ
• райҳон — ярим қошиқ
• ўсимлик ёғи — қовуриш учун 

1. Хамир қоринг. Бунинг учун тухум, сметана, ун ва икки ош қошиқ майонезни аралаштиринг.
2. Хамирни ёғланган товага ёйиб, ўртача оловда қопқоқ остида пиширинг.
3. Устига кетчуп, майонез ва райҳон солинг.
4. Мол гўшти ва сабзавотларни ингичка қилиб тўғраб олинг ва пишлоқни қирғичдан ўтказинг.
5. Ярим тайёр хамирнинг устига соус солинг. Барча маҳсулотларни тенг равишда тақсимланг ва пишлоқ сепинг. Егуликни яхши пишгунига қадар товада қолдиринг.

Ушбу десертга кунжут уруғи, майиз, бодом барглари, олма ёки бошқа ҳар қандай маҳсулотни қўшишингиз мумкин. Тез тайёр бўладиган егулик мазали таъмга эга.

Керакли масаллиқлар:

• тухум — 3 дона
• ун — 1 стакан
• сут — 1 стакан
• шакар — 2 қошиқ
• шакар кукуни — 1 қошиқ
• сариёғ —  20 г
• туз — таъбга кўра

1. Тухумнинг оқини сариғидан ажратинг. Сариқларини шакар, сут ва ун билан аралаштиринг. Оқ қисмини майин бўлгунга қадар кўпиртиринг ва сариғига аста-секин қўшинг.
2. Қиздирилган идишда сариёғни эритиб олинг. Хамирни солинг ва бир текис қилиб тақсимланг.
3. Егуликни қизаргунга қадар қовуринг. Эҳтиёткорлик билан бир неча қисмларга бўлиб, айлантиринг. Бошқа томонларини қовуринг. Дастурхонга тортишдан олдин устига шакар ва унинг кукунини сепинг.

• Мол гўшти ва картошкадан мазали таом тайёрлаймиз.
• Колбаса, пишлоқ ва помидор қўшиб печда пишириладиган мазали лаваш рецепти.
• Долчин ва майиздан мазали булочка тайёрлаймиз.
• Мол гўшти ва ёнғоқ қўшиб тайёрланадиган грузинча шўрва — харчо рецепти.