30 дақиқа кифоя: олма, шоколад ҳамда мураббо қўшиб тайёрланадиган мазали пирог рецепти

Оила аъзоларни мазали ширинликлар билан хурсанд қилиш учун ошхонада кўп вақт сарфлаш шарт эмас. Олма, шоколад ва мураббо қўшиб тайёрланадиган пирогни 30 дақиқа ичида тайёрлаш мумкин.

Керакли маҳсулотлар:

• тайёр хамир — 250 грамм;
• сутли шоколад — 90 грамм;
• олма — 1 дона;
• мураббо — 2 ош қошиқ;
• сут — 1 ош қошиқ;
• ёнғоқ — 20 грамм. 

1. Олма ювилиб, қирғичдан ўтказилади.
2. Тайёр хамирга ун сепилиб, узун қилиб ёйилади.
3. Хамир марказига шоколадни қўйиб, ўлчам бўйича хамирнинг икки томони кесиб чиқилади.
4. Сўнгра шоколадни олиб, аввал олма, устидан мураббо ва шоколад қўйилади.
5. Хамирнинг икки чети масаллиқлар устидан ўриб чиқилади.
6. Хамир юзасига сут суртилиб, майдаланган ёнғоқ сепилади.
7. Пирог 200 даража печда 15-20 дақиқа давомида пишириб олинади.