Сметана ва шоколад қўшиб тайёрланадиган асалли торт юмшоқ ва мазали таъмга эга бўлади. Ширинликка ўзингизга ёққан шоколадни қўшишингиз мумкин.
Керакли масаллиқлар:
- сариёғ — 100 г
- асал — 100 г
- истеъмол содаси — 1 чой қошиқ
- тухум — 2 та
- шакар — 150 г
- ун — 500 г
- какао кукуни —3 ош қошиқ
- ёғли сметана — 750 г
- шакар кукуни — 180 г
- Сариёғни асал билан аралаштириб, идишга солинг ва сув ичига қўйинг. Massa силлиқ бўлгунча вақти-вақти билан аралаштириб, иситинг.
- Унга истеъмол содасини қўшиб яхшилаб аралаштиринг. Аралашма кўпира бошлаганда идишни сувдан олинг. Сиропни озгина совитинг.
- Тухумни шакар билан миксерда енгил ва юмшоқ бўлгунча аралаштиринг. Асални солинг, яна кўпиртиринг.
- Унни элакдан ўтказинг ва какао билан аралаштиринг. Секин-аста тухум массасига қўшинг ва юмшоқ, озгина ёпишқоқ хамир ҳолатига келтиринг.
- Печни 180 даража ҳароратда олдиндан қиздиринг. Хамирни 6-8 та тенг бўлакларга бўлинг.
- Ҳар бир хамир бўлагини 1-2 мм қалинликда юпқа қилиб ёйинг, пишириш варағига солинг ва вилкалар билан тешинг.
- Хамир бўлакларини олдиндан қиздирилган печда 5-7 дақиқа давомида навбат билан пиширинг. Бир текис доиралар ҳосил қилиш учун хамир қирраларни кесиб олинг. Ушоқларни майдалаб олинг.
- Сметанани шакар кукуни билан силлиқ бўлгунга қадар миксер ёрдамида аралаштиринг.
- Хамирнинг устига крем суртинг ва бошқа бўлакларни ҳам шу тарзда бир-бирининг устига қўйинг. Тортнинг юқори ва ён томонларига қаймоқ суртиб олинг, ушоқларни сепинг. Ширинликни музлаткичга 5-6 соатга қўйинг.
Мавзуга доир:
Изоҳ (0)