Исмалоқ нафақат ўзининг ноёб фойдали хусусиятлари билан, балки ҳар қандай таомни тўлдириши мумкин бўлган таъми билан ҳам машҳур. Шўрвалар, салатлар, макаронли таомлар — исмалоқ асосий маҳсулот сифатида ишлатиладиган таомлар рўйхати чексиз. Ушбу маҳсулот жуда кўп фойдали моддаларни ўз ичига олади ва уни ҳар қандай рецептга қўшса бўлади. Marie Claire нашри исмалоқдан тайёрланадиган таомлар рецептини тақдим этди.
Исмалоқдан тайёрланадиган шўрва рецепти
Керакли масаллиқлар:
- исмалоқ — 300 гр
- қизил пиёз — 30 г
- саримсоқ — 5 г
- сабзавотли шўрва — 100 гр
- қаймоқ — 100 мл
- зайтун мойи — 20 гр
- брокколи — 30 г
- картошка — 30 г
- туз, қалампир — таъбга кўра
- рикотта пишлоғи — 50 г
- қовурилган қизил гўштли балиқ — 30 г
Пиёз ва саримсоқни зайтун мойида товада қизаргунча қовуринг. Кейин сабзавотли шўрвани маҳсулотларнинг устига солинг. Унга тўғралган картошка, брокколи қўшиб пиширинг. Сабзавотлар қайнаб пишгандан сўнг, унга исмалоқ қўшинг ва паст оловда 10 дақиқа давомида пиширинг. Шўрвага мурч ва қалампир қўшинг. Тайёр бўлган шўрвани блендер билан аралаштиринг. Қаймоқни солинг ва яна 3-4 дақиқа пишириб олинг. Шўрвани дастурхонга тортишдан олдин риккота пишлоғи ва қовурилган қизил гўштли балиқ билан безатинг.
Исмалоқдан қўшиб тайёрланадиган макаронли таом рецепти
Керакли масаллиқлар:
- макарон — 200 гр
- исмалоқ — бир боғ
- саримсоқ — 2 донача
- зайтун ёғи — 2 ош қошиқ
- қаттиқ пишлоқ — 70 г
- мурч — таъбга кўра
- туз — таъбга кўра
Макаронни туз қўшилган сувда пишгунича қайнатиб олинг. Макарон пиширилаётганда, исмалоқни ювинг ва тўғраб олинг. Тозаланган саримсоқ доначаларини олдиндан қиздирилган идишда зайтун ёғи билан қовуриб олинг. Саримсоқ мазали таъм бериши учун бир дақиқа қовуринг ва олиб ташланг. Исмалоқни товага солинг ва тахминан 3-4 дақиқа пишириб олинг. Кейинроқ макароннинг сувини тўкиб ташланг ва уни исмалоқ, туз ва қалампир билан аралаштиринг. Таомни дастурхонга тортишдан олдин ликопчаларга солиб устига майдаланган пишлоқ сепинг. Агар хоҳласангиз янги узилган райҳоннинг бир нечта баргини таомга солишингиз мумкин.
Қаймоқ ва исмалоқдан тайёрланадиган таом рецепти
Керакли масаллиқлар:
- исмалоқ — 500 гр
- сариёғ — 30 г
- 20 фоиз ёғли қаймоқ — 150 мл
- мускат ёнғоғи — таъбга кўра
- қалапмир — таъбга кўра
- туз — таъбга кўра
Исмалоқни ювинг ва юмшоқ бўлиши учун иссиқ сувга солинг. Кейин уни идишга солинг, қуритинг ва майда бўлакларга бўлинг. Қиздирилган идишда сариёғни эритиб, исмалоқ ва қаймоқни солиб тахминнан 3 дақиқа давомида қайнатиб олинг. Таъбга кўра туз, қалампир, мускат ёнғоғи қўшинг, вақти-вақти билан аралаштириб, яна бир дақиқа қайнатиб олинг. Егуликни гўшт ва балиқ билан ёки алоҳида таом сифатида истеъмол қилишингиз мумкин.
Исмалоқ ва лавлагили салат
Керакли масаллиқлар:
- исмалоқ — 300 гр
- лавлаги — 350 г
- пишлоқ — 150 г
- саримсоқ — 1 донача
- зайтун ёғи — 3 ош қошиқ
- қалампир, туз — таъбга кўра
Лавлагини қайнатиб олинг ва катта бўлакларга бўлинг. Сўнгра саримсоқни майдаланг, пишлоқни куб шаклида тўғраб олинг. Исмалоқни қўлингиз билан майдаланг. Маҳсулотларни салат идишида аралаштиринг, зайтун ёғи ва зираворлар қўшинг. Агар керак бўлса таъбга кўра уруғлар ёки майдаланган ёнғоқ билан сепилиши мумкин.
Мавзуга доир:
Изоҳ (0)