Чиройли ва соғлом оёқлар — ҳар бир аёлнинг орзуси. Статистик маълумотларга кўра, варикоз томирлари катталарнинг 30 фоизида учрайди ва аёллар бу касалликка кўпроқ мойил, деб ёзади «Новий очаг».
Варикоз томирларининг энг кўп учрайдиган белгилари — бу бўртиб чиққан томирлар, оёқларда оғирлик ҳисси ва оёқларнинг шишиши. Одатда шундай шикоятлар билан беморлар шифокорга мурожаат қилади. Анъанага кўра, бу касаллик билан флеболог (томирлар касалликларига ихтисослашган қон томир жарроҳи) шуғулланади. Аммо баъзида муаммоларнинг сабаби ички органларда бўлади.
Жароҳат олганмисиз?
Варикоз томирларининг пайдо бўлишининг сабаби жуда оддий бўлиб, бу томирларнинг сиқилиши билан боғлиқ. Думғаза ва қуймучнинг шикастланиши ички органларнинг пасайиши учун хавфли вазият бўлиб хизмат қилади. Организмда ушбу органларга зарар етиши натижасида ички аъзолар зўриқиш билан ҳаракат қилишда давом этади ва ичак ва қорин бўшлиғининг бошқа органларини қўллаб-қувватловчи пайлар чўзилади. Бундай жароҳатлар кўпинча конкида ёки роликда учадиганлар, гимнастикачилар, сноубордчиларда учрайди. Пастга силжиган ички органлар томирларга босим ўтказади. Шикастланиш натижасида мускул ва пайлар тортилади, улар бўшлиқни торайтиради, томир ва лимфа тугунларини сиқиб чиқаради, бу эса оёқ томирларида, биринчи навбатда геморроёид ва қон томирларида гидростатик қон босимининг ошишига олиб келади.
Қандай қилиб варикоз томирлари чиқишининг олдини олиш мумкин?
Аввало, пойабзални тўғри танлаш лозим. Баланд пошнали туфлилар ҳар куни шаҳар бўйлаб сайр қилиш учун мос эмас. Агар баланд пошнали пойабзал кийилса, бутун организмнинг оғирлик маркази силжийди ва мушакларнинг доимий равишда ҳаддан ташқари зўриқиши қон айланишининг бузилишига, оёқларда оғриқларга ва варикоз томирларининг кўпайишига олиб келади. Агар аёлда сколёз бўлса, вазият янада оғирлашади. Машина ҳайдайдиган одам ҳафтада камида бир кун пиёда ҳаракатланиши керак. Узоқ вақт давомида ўтириш натижасида умуртқа поғонасининг икки баравар зўриқиши исботланган.
Жисмоний фаолликнинг етишмаслиги елка камари ва бўйин, бел ва сон мушакларининг ортиқча зўриқишига олиб келади, бу тос бўшлиғи ва оёқларда қоннинг турғунлигини келтириб чиқаради. Вақт ўтиши билан буларнинг барчаси оёқ, тўғри ичак, ҳатто жинсий аъзоларнинг варикоз томирларини кучайтиради. Шунинг учун тўғри овқатланишни унутмаслик лозим. Кўпроқ сабзавот ва мевалар истеъмол қилиш, қизариб пишган ва ёғли овқатларни рациондан чиқариш тавсия этилади.
Оёқларни чалкаштириб ўтириш одатидан воз кечинг
Бундай ўтириш қон оқимини қийинлаштиради. Ўтириш оёқ ва тос суяги томирларида гидростатик босимни оширади, шунинг учун ўтириб ишлайдиганлар юриш учун тез-тез танаффус қилиши лозим. Томирларнинг деворлари қисқаришга қодир эмас ва қонни юракка мустақил равишда ҳайдай олмайди, шунинг учун атрофдаги мушакларнинг қисқариши бу жараёнда асосий рол ўйнайди. Жисмоний фаоллик варикоз томирлари билан оғриган беморлар учун кўпроқ муҳимдир: улар нафақат соғлиқни яхшилайди, балки томирлардаги зўриқишни енгишга ёрдам беради.
Соғлом оёқлар учун 5 та қоида
Ҳаёт давомида оёқларни соғлом сақлаш учун бир нечта оддий қоидаларга амал қилиш керак:
- Ёш улғайган сари оёқлар шакли ўзгаради. Оёқнинг ўлчами ҳам каттаяди ёки аксинча, шунинг учун оёқни сиқмайдиган пойабзал танлаш муҳимдир. Унинг ўлчамига эътибор бериш лозим.
- Ортопедик тагликларни эътиборсиз қолдирмаслик керак.
- Оёқнинг таг қисми кенг бўлса, оёқни яхши қўллаб қувватлайди.
- Оёқ кийимларини танлаш учун энг яхши вақт — куннинг ўртаси.
- Агар нохуш аломатлар юзага келса (шиш, оғриқ, оёқларда оғирлик), шифокорга ташрифни кечиктирмаслик зарур.
Изоҳ (0)