Таиланд ҳукумати жорий йил охиригача 12 миллионга яқин чет эллик сайёҳларни қабул қилишни режалаштирмоқда. Бу ҳақда қироллик молия вазири Ахом Темпиттаяпаисит айтиб ўтди.
Мамлакатга келаётган чет эллик сайёҳлар сони ортди ва биз ҳозирда деярли 10 миллион кишини қабул қилмоқдамиз, бу бизнинг 8 миллион сайёҳлик мақсадимиздан ошиб кетади. Йил охиригача 11-12 миллион нафар сайёҳ келишини кутяпмиз, — дейди Вазир.
Таиланд ялпи ички маҳсулотининг қарийб 15 фоизини ташкил этувчи туризм соҳаси сўнгги икки йил ичида коронавирус пандемияси билан боғлиқ чекловлар жорий этилиши туфайли қаттиқ зарар кўрди.
Қироллик расмийлари саёҳатчиларнинг келишига қўйилган чекловларни фақат шу йилнинг июль ойида олиб ташлади.
2019 йилда Таиландга қарийб 40 миллион сайёҳ келган бўлса, 2021 йилда уларнинг сони 400 минггача камайган.
Октябрь ойи бошида Таиланд ҳукумати Ўзбекистон ва Қозоғистондан кўпроқ сайёҳларни жалб қилмоқчилиги маълум бўлган эди.
Жорий йилнинг 8 ойида Таиландга Ўзбекистондан 2,5 мингга яқин одам ташриф буюрган.
Туризм вазирлиги йил охирида бу кўрсаткич 8,5 мингтага етишини кутмоқда. 2019 йилда Таиландга келган ўзбекистонлик сайёҳлар сони 19 минг нафарни ташкил этган эди.
Изоҳ (0)