Бу ўйинда ҳалок бўлсангиз, у сизни реал ҳаётда ҳам ўлдиради. Дунёдаги биринчи қотил VR-ускунаси яратилди

Виртуал реаллик соҳаси етакчиси ва Meta (Facebook) компаниясининг бир бўлаги сифатида машҳур бўлган Oculus компанияси асосчиси Палмер Лаки шундай VR-ускуна яратдики, у фойдаланувчи ўйин ичида ўлган тақдирда, уни ҳақиқий ҳаётда ҳам ўлдиради, деб ёзади New York Post.

Ўйин иштирокчилари NeveGear виртуал реаллик ускунасини тақиб, япон анимеси ва шу номли романга асосланган Sword Art Online ўйинини очади. Фойдаланувчилар телба олимнинг виртуал дунёсидан чиқиб кетиш учун 100 қаватли ер ости зиндонини ёриб чиқиши керак.

Ускуна портловчи қурилманинг экран устига жойлаштирилган учта қувватлантирувчи модулига уланади, улар эса ўйинчининг пешонасига йўналтирилади. Агар фойдаланувчи ўйин ичида ўлса, микротўлқинли нур тарқатувчи ишга тушиб, одамнинг бошини йўқ қилади.

Лаки қурол-яроғ ва мудофаа бўйича пудратчи Anduril компаниясига ҳам асос солган бўлиб, у ҳукумат билан йирик шартномаларни қўлга киритган. Унинг айтишича, қулоқчинлардаги портловчи қурилмалар — у одатда «бошқа лойиҳалар»да қўллайдиган ускуналардир, бироқ у айнан қандай лойиҳаларни назарда тутганига аниқлик киритмади.

Аммо хавотир олманг, ускуна сотиш учун чиқарилмайди.

«Айни пайтда бу шунчаки офис санъат асари, у ўйин дизайнида кашф этилмаган йўналишлар борлигини эслатиб, мулоҳазага чорлайди, — деди Лаки. — Билишимча, бу фойдаланувчини ҳақиқатда ўлдириши мумкин бўлган биринчи илмий-оммабоп қурилма намунасидир. Ва бу охиргиси бўлмайди».

Лаки айтишича, у қотил-ускуналарда қўлланиладиган технологиядан фойдаланишда давом этади.