АҚШда Конгрессга сайловларда овоз бериладиган асосий кун бошланди. Маҳаллий вақт билан тонгги 5 да (Тошкент вақти билан 15:00) Вермонт штатидаги баъзи участкалар очила бошлади, деб ёзади Meduza.
Овоз бериш орқали америкаликлар Вакиллар палатасини тўлиқ, Сенат аъзоларининг эса 100 нафаридан 35 нафарини қайта сайлайди.
Конгрессга сайловлардан ташқари, 36 та штатда ва АҚШнинг учта денгиз орти ҳудудида губернаторлар сайловлари бўлиб ўтади; 46 та штатда қонун чиқарувчи мажлислар тўлиқ ёки қисман қайта сайланади.
42 миллиондан ортиқ сайловчилар асосий участкалар очилмасидан аввалроқ почта орқали овоз бериб бўлган.
Энг охирги бўлиб Аляскадаги сайлов участкалари ёпилади (Тошкент вақти билан 9 ноябрь эрталаб 11 да).
Айни пайтда Вакиллар палатасида кўпчилик ўрин — демократларда, Сенатда республикачилар 50 та, демократлар эса 48 та ўринга эга (яна иккита ўринни мустақил сиёсатчилар эгаллаган бўлиб, улар кўпинча демократларни қўллаб-қувватлайди). Прогнозларга кўра, янги сайловлар натижасида, катта эҳтимол билан, республикачилар Конгресснинг иккала палатасида ҳам кўпчилик ўринни қўлга киритади.
Изоҳ (0)