Virtual reallik sohasi yetakchisi va Meta (Facebook) kompaniyasining bir bo‘lagi sifatida mashhur bo‘lgan Oculus kompaniyasi asoschisi Palmer Laki shunday VR-uskuna yaratdiki, u foydalanuvchi o‘yin ichida o‘lgan taqdirda, uni haqiqiy hayotda ham o‘ldiradi, deb yozadi New York Post.
O‘yin ishtirokchilari NeveGear virtual reallik uskunasini taqib, yapon animesi va shu nomli romanga asoslangan Sword Art Online o‘yinini ochadi. Foydalanuvchilar telba olimning virtual dunyosidan chiqib ketish uchun 100 qavatli yer osti zindonini yorib chiqishi kerak.
Uskuna portlovchi qurilmaning ekran ustiga joylashtirilgan uchta quvvatlantiruvchi moduliga ulanadi, ular esa o‘yinchining peshonasiga yo‘naltiriladi. Agar foydalanuvchi o‘yin ichida o‘lsa, mikroto‘lqinli nur tarqatuvchi ishga tushib, odamning boshini yo‘q qiladi.
Laki qurol-yarog‘ va mudofaa bo‘yicha pudratchi Anduril kompaniyasiga ham asos solgan bo‘lib, u hukumat bilan yirik shartnomalarni qo‘lga kiritgan. Uning aytishicha, quloqchinlardagi portlovchi qurilmalar — u odatda “boshqa loyihalar”da qo‘llaydigan uskunalardir, biroq u aynan qanday loyihalarni nazarda tutganiga aniqlik kiritmadi.
Ammo xavotir olmang, uskuna sotish uchun chiqarilmaydi.
“Ayni paytda bu shunchaki ofis san’at asari, u o‘yin dizaynida kashf etilmagan yo‘nalishlar borligini eslatib, mulohazaga chorlaydi, — dedi Laki. — Bilishimcha, bu foydalanuvchini haqiqatda o‘ldirishi mumkin bo‘lgan birinchi ilmiy-ommabop qurilma namunasidir. Va bu oxirgisi bo‘lmaydi”.
Laki aytishicha, u qotil-uskunalarda qo‘llaniladigan texnologiyadan foydalanishda davom etadi.
Mavzuga doir: Fotogalereya: Eng muvaffaqiyatli startap yaratuvchlari
Izoh (0)