Ислом дини ва мусулмонлар ҳақида фойдали ва руҳлантирувчи мақолалар, видеолар, подкастлар бериб борадиган ИлмFeed нашри (Буюк Британия) Ўзбекистонга қилинган сафардан таассуротлар билан бўлишди. «Ўзбекистонга ташриф буюриш керакми?» деб номланган тред остида мамлакатнинг шаҳарлари ва одамларидан тортиб, тарихи ва динигача бўлган жиҳатларига алоҳида тўхталиб ўтилган.
Хусусан, транспорт ҳақида гапираётиб, поездлар ҳаракатига юқори баҳо берилган, шунингдек, аэропортлар ва темир йўл станциялари намоз ўқиш учун шароитлар билан таъминлангани қайд этилган.
City vibes: The cities feel very safe and locals told me they don't feel unsafe walking outside at night. The main roads are very well maintained and clean. There's literally no trash that can be seen. The main cities are well developed and modern. pic.twitter.com/ZLssRXRaU3
— ilmfeed (@IlmFeed) November 7, 2022
Шаҳарларнинг хавфсизлиги, асосий кўчаларнинг тоза-озодалиги таъкидлаб ўтилган. «Том маънода бирорта ҳам ахлат кўрмадик. Асосий шаҳарлар яхши ривожлантирилган ва замонавийдир», — дейилади хабарда.
«Ўзбекистонликлар жуда хушмуомала ва меҳмондўст экан, одоби кучли экан. Улар сайёҳларни кўриб хурсанд бўлади ва ҳар фурсатда уларга салом беради», — дея маҳаллий одамлар ҳақида фикр билдирилган ва қўлни кўксига қўйиб саломлашиш одати алоҳида тилга олинган.
History: Uzbekistan is full of Islamic history and has numerous landmarks and monuments. The mosques and madrassahs are breathtaking. Photos don't do justice. You have to experience it for yourself. pic.twitter.com/fQuaXquh4D
— ilmfeed (@IlmFeed) November 7, 2022
Хабарда ислом динининг Ўзбекистондаги ўрнига тўхталиб ўтилган, у яқин вақтлардан буён мамлакатда қайтадан гуллаб-яшнаётгани айтилган. Шунингдек, Ўзбекистон бой исломий тарихга эга эканлиги, ёдгорликлар кўплиги таъкидланган.
Миллий таомлар ҳақида уларнинг мазали экани билан бирга, Эрон ва Афғонистон таомларига ўхшашлиги қайд этилган. От гўштидан егуликлар борлигига тўхталиб ўтилган.
Food: There are plenty of halal restaurants which do not serve alcohol. Traditional Uzbek food is delicious and can be described as something in between Persian and Afghan food. They also serve horse meat if you wanted to give it a try 🐴👀. pic.twitter.com/neITQJ8TKe
— ilmfeed (@IlmFeed) November 7, 2022
«Хулоса қилиб айтганда, Ўзбекистонга ташриф буюришни орзу-истакларингиз рўйхатига қўшиб қўйишни албатта тавсия қилган бўлардик. Имом ал-Бухорий бутун мусулмон умматига машҳур, лекин у туғилган мамлакат ҳалигача нисбатан танилмаган. Ўзбекистонликлар янада кўпроқ сайёҳлар келишини жон-дилдан истайди ва уларни қучоқ очиб кутиб олади», — дея хулоса ясалган хабарга.