Футбол бўйича Англия Премер Лигасининг 15-турида «Манчестер Юнайтед» 6 ноябрь, якшанба куни «Астон Вилла» майдонига сафар қилди.
Учрашувнинг 7-дақиқасида Леон Бэйли мезбонларни олдинга олиб чиқди. Орадан кўп ўтмай Люка Дин ҳисобни ишончли кўринишга келтирди. Бунга манкунианлар биринчи бўлимнинг сўнгида жавоб қайтарди. Люк Шоунинг зарбасидан тўп рақиб футболчисига тегиб ўз йўналишини ўзгартирди ва дарвозадан жой олди.
Иккинчи бўлим дебютида Жейкоб Ремси бирмингемликларнинг қарши ҳужумини гол билан якунлади. Қолган вақтда ҳисоб ўзгаришсиз қолди.
Унаи Эмери шогирдлари очколарини 15 етказиб олган ҳолда, 18-ўриндан 13-поғонага кўтарилди. «Манчестер Юнайтед» (23) 5-ўринда қолди.
АПЛ
15-тур баҳслари
6 ноябрь, якшанба
«Астон Вилла» – «Манчестер Юнайтед» 3:1
Голлар: 1:0 – 7 Бэйли, 2:0 – 11 Дин, 2:1 – 45, автогол Ремси, 3:1 – 49 Ремси.«Астон Вилла»: Мартинес, Кеш, Мингз, Конса, Дин (Янг, 79), Дендонкер (Сансон, 90), Буэндиа (Ингз, 79), Дуглас Луис, Ремси, Уоткинс (Камара, 78), Бэйли (Макгинн, 70).
«Манчестер Юнайтед»: Де Хеа, Диогу Далот, Линдельоф, Мартинес, Шоу (Маласиа, 65), Эриксен, Каземиро, ван де Бек (Марсьяль, 65), Роналду, Рэшфорд, Гарначо (Эланга, 65).
Огоҳлантиришлар: Шоу (10), Бэйли (42), Роналду (61), Мингз (61), Диогу Далот (72), Мартинес (88).
Изоҳ (0)