Futbol bo‘yicha Angliya Premyer Ligasining 15-turida “Manchester Yunayted” 6-noyabr, yakshanba kuni “Aston Villa” maydoniga safar qildi.
Uchrashuvning 7-daqiqasida Leon Beyli mezbonlarni oldinga olib chiqdi. Oradan ko‘p o‘tmay Lyuka Din hisobni ishonchli ko‘rinishga keltirdi. Bunga mankunianlar birinchi bo‘limning so‘ngida javob qaytardi. Lyuk Shouning zarbasidan to‘p raqib futbolchisiga tegib o‘z yo‘nalishini o‘zgartirdi va darvozadan joy oldi.
Ikkinchi bo‘lim debyutida Jeykob Remsi birmingemliklarning qarshi hujumini gol bilan yakunladi. Qolgan vaqtda hisob o‘zgarishsiz qoldi.
Unai Emeri shogirdlari ochkolarini 15 yetkazib olgan holda, 18-o‘rindan 13-pog‘onaga ko‘tarildi. “Manchester Yunayted” (23) 5-o‘rinda qoldi.
APL
15-tur bahslari
6-noyabr, yakshanba
“Aston Villa” – “Manchester Yunayted” 3:1
Gollar: 1:0 – 7 Beyli, 2:0 – 11 Din, 2:1 – 45, avtogol Remsi, 3:1 – 49 Remsi.“Aston Villa”: Martines, Kesh, Mingz, Konsa, Din (Yang, 79), Dendonker (Sanson, 90), Buendia (Ingz, 79), Duglas Luis, Remsi, Uotkins (Kamara, 78), Beyli (Makginn, 70).
“Manchester Yunayted”: De Xea, Diogu Dalot, Lindelyof, Martines, Shou (Malasia, 65), Eriksen, Kazemiro, van de Bek (Marsyal, 65), Ronaldu, Reshford, Garnacho (Elanga, 65).
Ogohlantirishlar: Shou (10), Beyli (42), Ronaldu (61), Mingz (61), Diogu Dalot (72), Martines (88).
Izoh (0)