Футбол бўйича Испания Ла Лигасининг 13-турида «Барселона» 5 ноябрь, шанба куни «Алмерия»га қарши баҳс олиб борди.
Учрашувнинг биринчи бўлимида дарвозалар дахлсизлиги сақланиб қолди. Иккинчи бўлимнинг бошида Усмон Дембеле ҳисобни очди. 62-дақиқада Френки де Йонг ҳисобни ишончли кўринишга олиб келди. Қолган дақиқаларда дарвозалар дахлсизлиги сақланиб қолди.
Қайд этиб ўтиш жоиз, бу ўйин Херард Пике учун каталонияликлар сафидаги сўнггиси бўлди. 85-дақиқада испаниялик ҳимоячи ўз ўрнини Андрес Кристенсенга бўшатиб берди.
Хави жамоаси очколари сонини 34 тага етказиб, мусобақа пешқадамига айланди. «Алмерия» эса 13 очко билан 15-поғонани банд этган.
Ла Лига
13-тур баҳси
5 ноябрь, шанба
«Барселона» — «Алмерия» 2:0
Голлар: 1:0 – 48 Дембеле, 2:0 – 62 де Йонг.«Барселона»: тер Стеген, Бальде, Пике (Кристенсен, 85), Алонсо, Альба, Бускетс (Гави, 68), де Йонг, Педри, Левандовски, Дембеле (Рафинья, 68), Ферран Торрес (Фати, 61).
«Алмерия»: Фернандо, Мендес, Эли (Эгуарас, 68), Чуми, Кайки (Бабич, 46), Акеме, Мелеро (Пучмал, 68), Робертоне (Портильо, 79), Саму Кошта, Баптистао (Диэго Соуза, 46), Рамазани.
Огоҳлантиришлар: Кайки (6), Ферран Торрес (9), Дембеле (42).
Изоҳ (0)