G20 саммитида Россия президенти Владимир Путин иштирок этадиган бўлса, Украина президенти Владимир Зеленский унда қатнашишдан бош тортади.
«Менинг шахсий позициям ва Украинанинг позицияси шундан иборатки, агар Россия раҳбари иштирок этса, унда Украина қатнашмайди. Бу ёғига вазият қандай бўлишини кўрамиз», — деди Зеленский 3 ноябрь куни бўлиб ўтган брифингда.
Шу билан бирга, у Украина 15—16 ноябрь кунлари Индонезиянинг Бали оролида бўлиб ўтадиган саммитга тайёргарликни давом эттираётганини қўшимча қилди.
Россия ва Украина президентлари Индонезиядаги G20 саммитига таклиф қилинган. Москва ва Киев тадбирда иштирок этиш формати тўғрисида ҳали якуний қарорга келмаганини маълум қилган.
Изоҳ (0)