Бугун,

  • USD 11095.31
  • RUB 173.84
  • EUR 10772.44

«Барселона» қишда Лионель Месси билан шартнома имзоламоқчи.

Фото: Getty Images

Фото: Getty Images

Diario Sport нашрининг хабарига кўра, каталонияликлар қишки трансфер ойнасидан унумли фойдаланмоқчи.

Иқтисодий дастаклар фаоллаштирилгандан сўнг «кўк-анорранглилар»дан молиявий тўсиқлар олиб ташланди. Аввал «Барселона» Ла Лига томонидан қўйилган тўсиқ (1/4, яъни ҳар бир иқтисод қилинган 4 евронинг 1 евросини ишлатиш мумкин) асосида иш кўрган бўлса, ёздан буён жамоа 1/1 кўринишидаги (ҳар бир ишлаб топилган еврони сарфлаш мумкин) қоидага амал қилишни бошлади.

2023 йил ёзида «Барселона» яна 1/4 қоидасига қайтади ва Мессининг трансферини амалга оширишни иложи бўлмай қолади. Шунинг учун каталонияликлар раҳбари Хоан Лапорта аргентиналикни қишда жамоага қайтармоқчи.

Ушбу трансферни амалга ошириш бир нечта сабабларга кўра қийин кечади. Биринчидан, «ПСЖ» Месси билан мавсум ўртасида хайрлашишни истамайди. Иккинчидан, клублар ўртасидаги муносабат яхши эмас, парижликлар Леони қўйиб юбормаслиги мумкин. Учинчидан, Месси бор эътиборини ЖЧ—2022га қаратган.

Агар ушбу сабабларга қараладиган бўлса, аргентиналикнинг «Барселона»га ўтиши иложсиз.

Ҳозирда жамоа Месси билан тўғридан-тўғри алоқага чиқмаган. Лапортанинг тарафдорлари алоқа ўрнатишга уринган, бироқ на Месси, на «ПСЖ» президенти Носир ал-Ҳелайфи бунга жавоб берган.

Лапорта «Олтин тўп» маросими учун Парижга ташриф буюрган, шу орада Месси билан учрашишни ҳам мақсад қилган. Аммо бунинг иложини қила олмаган.

Жорий мавсум 35 ёшли футболчи барча мусобақаларда 16 та ўйинда иштирок этиб, 11 та гол ва 12 та голли узатмага муаллифлик қилган.

Изоҳ
Asosiy yangiliklar
Дунё
Туркияда депутатлар давлат бюджети муҳокамасида муштлашди (видео)
Маҳаллий
Намангандаги кўмир машмашаси: аҳоли учун кўмир сотиб олиш — оворагарчилик, раҳбарлар эса кўмирга талаб унинг сифати яхшилигидан демоқда (видео)
Маҳаллий
Тошкентда зўравонликка қарши кураш бўйича халқаро анжуман — суратларда