Киев шаҳри мери Виталий Кличко шаҳар ҳаво ҳужумидан мудофаа учун янги ускуналарини олганини таъкидлади, деб ёзади «РБК».
«Ҳарбийлар менга пойтахтга ҳаво ҳужумидан мудофаа учун янги техника етиб келганини айтди. Умид қиламизки, камикадзе дронлари билан ҳужумлар ва провокациялар энди содир бўлмайди», — деди Кличко
Мер қайси ҳаво ҳужумидан мудофаа тизимлари ҳақида гап кетаётганига аниқлик киритмади.
Ҳаво ҳужумига қарши мудофаа ускуналари келганига қарамай, у энергетика инфратузилмаси объектларига шикаст етказилганлиги сабабли Киевда «катта ўчириш» (иситиш тизимларининг ўчирилиши) эҳтимолини истисно қилмади ва пойтахт аҳолиси, корхоналарни имкон қадар электр энергиясини тежашга чақирди.
«Электр энергиясининг катта тақчиллиги туфайли шаҳримизнинг барча ҳудудларида фавқулодда ўчиришлар содир бўлмоқда», — деди Кличко. Унинг сўзларига кўра, шаҳар ҳокимияти маблағни тежаш мақсадида кўплаб троллейбусларни йўналишлардан олиб ташлаб, уларнинг ўрнига автобуслар жойлаштирган.
Бундан ташқари, бошқа чора-тадбирлар қаторида иситиш тизимларини ўчириш сценарийси ҳам кўриб чиқилмоқда, дея қўшимча қилди Киев мери. «Бу энг ёмон сценарий, бунинг содир бўлмаслигига деб умид қиламиз», — деди у. Кличконинг сўзларига кўра, расмийлар Киевдаги мингга яқин иссиқлик пунктларини жиҳозламоқчи.
Киев расмийларига кўра, шаҳарда электр тақчиллиги 20 дан 50 фоизгача. «Агар фавқулодда вазиятлар бўлмаса, ‘Укрэнерго’ мутахассислари икки-уч ҳафта ичида камомадни бартараф этишига умид қилмоқдамиз», — деди Кличко.
Изоҳ (0)