Латам авиакомпанияси самолёти Парагвайнинг Сильвио Петироси аэропортига авариявий қўнишни амалга оширди. Бу ҳақда маҳаллий ABC Color газетаси хабар берди.
Ҳодиса 26 октябрь куни юз берган. Самолёт 50 нафар йўловчи билан Чили пойтахти Сантьягодан Парагвайнинг Асунсьон шаҳрига учаётган эди. Ноқулай об-ҳаво туфайли экипаж мажбуран Бразилиянинг Фос-ду-Игуасу шаҳридаги аэропортга қўнган.
Ҳаво яхшилангач, рейс парагвайга учиб кетган. Парвоз чоғида яна бўрон бошланган, натижада ҳаво кемасининг бурун қисми тушиб кетган ҳамда двигателлардан бири ишдан чиққан.
Латам вакиллари айтишича, об-ҳаво туфайли самолётнинг ташқи қисмига зарар етган, бироқ йўловчилар ва экипаж аъзолари соғ-саломат Парагвайга етиб келган
Интернетда бўрон чоғида самолёт ичида қандай ҳолат кузатилгани акс этган видео пайдо бўлди.
https://twitter.com/tribunacampeche/status/1585790094195179522
Изоҳ (0)