Журналист Ксения Собчак «ҳозирда унинг тижорат директори Кирилл Суханов ва собиқ бош муҳаррир Татлер Ариан Романовский ҳибсда сақланаётган товламачилик жиноий ишида гумон қилинмаган», деб ёзади «РБК».
«У борасида ҳеч қандай шикоятлар йўқ. Унинг бу ишга алоқаси йўқ», — деди Суханов ва Романовскийга нисбатан қўзғатилган жиноий иш ҳолатларидан хабардор манба.
Ксения Собчакнинг ўзи ҳозирча бу ҳақда изоҳ бермади.
26 октябрь куни «ТАСС» манбалари Собчак товламачилик иши бўйича гумонланувчига айланганини маълум қилган эди.
Кирилл Суханов ва Ариан Романовский 25 октябрь куни ҳибсга олинган. Хабарларига кўра, улар ҳақидаги баёнотни Ростех раҳбари Сергей Чемезов ёзган. Суд мажлисида Суханов ва Романовскийни ҳибсга олиш тўғрисидаги масалани кўриб чиқишда Собчак номи янграган. Ксения Собчакнинг ўзи Сухановнинг таъқиб қилинишини «қандайдир бемаънилик» ва унинг «Осторожно Медиа» холдингига «босқин» деб баҳолади.
Кирилл Суханов ҳибсга олинганидан кейин Ксения Собчак Россияни тарк этди. У Москва вилоятидаги жойлашган уйи тинтув қилинган куни чиқиб кетган. Собчак Литва ҳудудига Исроил фуқароси сифатида Беларусь орқали кирган. «ТАСС» хабарига кўра, полицияда Собчакни ҳибсга олиш бўйича терговчининг буйруғи бўлган, бироқ у қочишга муваффақ бўлган.
Изоҳ (0)