Бугун,

  • USD 11095.31
  • RUB 173.84
  • EUR 10772.44

Novatek бош директори Леонид Михелсон Верона Евросиё форумида кейинги қиш Европа учун анча қийин бўлишини таъкидлади деб хабар қилади «РБК».

Фото: «РБК»

Фото: «РБК»

«Бу қиш Европа учун кейинги учтасига нисбатан энг осони бўлиши мумкин, чунки улар жорий мавсумда омборларни тўлдиришга муваффақ бўлди, бироқ 2023 йил «анча қийинроқ кечади», — деди Михелсон.

Михелсоннинг сўзларига кўра, Европада мавжуд газ танқислиги ва Хитойда талабнинг тикланишини инобатга олган ҳолда, келгуси йилдан бошлаб суюлтирилган газ (LNG) бозорига қўшимча юк тахминан 60-70 миллион тоннани ташкил этади.

«Гарчи Европа Қатар билан газ етказиб бериш бўйича музокаралар олиб бораётган бўлса-да, Қатар фақат 2025-2026 йилларда 33 миллион тонналик лойиҳаларни жорий қилишни бошлайди», — деди Novatek раҳбари.

«Қатар энергетика вазири Ал-Кааби очиқчасига айтди: агар Россия гази бозорга қайтмаса, инқироз 2025 йилгача давом этади. 2023 йил эса анча қийин бўлади, чунки Европа захиралари тугайди», — деб қўшимча қилади у.

Bloomberg хабарига кўра, Европа қишгача газ омборларини деярли тўлдирди. Европа газ инфратузилмаси операторлари ассоциацияси маълумотларига кўра, Европадаги газ омборлари 93,6%, шу жумладан, Германиядагилар 97,5% тўлган. Бироқ, агар об-ҳаво одатдагидан совуқроқ бўлса, Германияда бу миқдор атиги икки ойга етади, шунинг учун Европа LNG сотиб олишни давом эттириши керак, деб ёзади агентлик.

Изоҳ
Асосий янгиликлар
Дунё
«Telegram’да криптовалюта савдоси ва уларни сақлаш воситалари бўлади» — Дуров
Маҳаллий
Ўзбекистонда сўнгги суткада 154 кишида коронавирус қайд этилди
Спорт
ЖЧ—2022 да нимчорак финалнинг тўртта жуфтлиги аниқланди