Буюк Британия собиқ бош вазири Борис Жонсон Консерватив партия раҳбари ва мос равишда, кейинги ҳукумат раҳбари лавозими учун сайловларда қатнашишга тайёр, шунинг учун у денгиз бўйидаги таътилини тўхтатди. Бу ҳақда Sky News унинг сафдошига таяниб хабар берган.
Консерватив партиядан парламент аъзоси Жеймс Дадриж телеканалга маълум қилишича, Жонсон етакчилик учун пойгада қатнашишни режалаштирмоқда.
Айни пайтда собиқ бош вазир Кариб оролларидаги таътилидан қайтиб келмоқда, дея қўшиб қўйди у.
Сайловда қатнашиш учун Жонсон 24 октябрь, душанба куни 14:00 (Тошкент вақти билан 18:00)гача консерватор депутатлардан 100 та номинация йиғиши керак. Ани пайтда уни очиқча қўллаб-қувватлаганлар 43 кишини ташкил қилмоқда. Собиқ молия вазири Риши Сунак аллақачон 74 та, жамоатчилик палатаси етакчиси Пенни Мордонт эса (у сайловда қатнашиш режаси ҳақида расман эълон қилган ҳозирча ягона даъвогар) 18 та номинация тўплашга улгурган.
Лиз Трасс нима учун бош вазирликдан кетди?
Бош вазир Лиз Трасс иқтисодий муаммоларни ечишга қодир эмасликда айбланганидан кейин, 20 октябрь куни истеъфога чиқиши ҳақида эълон қилди. У бош вазир лавозимини 45 кун давомида эгаллаб турди, бу замонавий Британия тарихида рекорд даражада қисқа муддатдир. Бу вақт мобайнида у канцлер Квази Квартенг билан биргаликда тақдим этилган Келси йил учун қисқа бюджет лойиҳаси учун танқидга учрашга улгурди, шундан кейин мамлакатда молия ва ипотека бозорлари кескин пасайиб кетди.Шунингдек, Трасс Квартенгнинг таклифи билан солиқларни камайтириш ва айни вақтда бой британияликлар учун солиқ мажбуриятларини сусайтиришни режалаштиргани учун ҳам танқид қилинди. Шундан кейин Буюк Британиянинг беш йиллик давлат облигациялари даромадлилиги 4,6 фоизга, максимал даражагача ўсди, бу эса мамлакат қарз қоғозларига талаб пасайганини билдиради. Фунт стерлинг курси ҳам тушиб кетди ва доллар курсига деярли тенг бўлиб қолди. Можародан кейин у Квартенгни ишдан бўшатди, бироқ бу уни босимлардан сақлаб қолмади, охир-оқибат у истеъфо берди.
Изоҳ (0)