Жанубий Кореянинг техника ишлаб чиқарувчи LG Electronics компанияси Россиядаги заводини ёпиб, маиший техника ишлаб чиқаришни Қозоғистон ёки Ўзбекистонга кўчириш имкониятини кўриб чиқаётгани ҳақидаги хабарларни рад этди. Бу ҳақда «Коммерсантъ» хабар бермоқда.
Аввалроқ нашрнинг маиший техника бозоридаги манбаси LG компанияси Ўзбекистонда Artel компанияси билан музокаралар олиб бораётганини маълум қилганди.
«Айни пайтда бизнинг LG билан шериклигимиз йўқ, жорий музокаралар ҳақидаги маълумотларни эса ошкор қила олмаймиз», — дея кейинроқ Artel хабарларни изоҳлаган.
Айни пайтда The ЖоонгАнг нашри LG’га таяниб маълум қилишича, ишлаб чиқариш Ўзбекистон ёки Қозоғистонга кўчирилиши ҳақидаги ахборот «мутлақо асоссиз»дир.
Жанубий Кореянинг Business Пост газетаси ҳам LG Electronics Россиядаги заводнинг Ўзбекистон ёки Қозоғистонга кўчирилиши ҳақидаги хабарларни «асоссиз» деб атагани ҳақида ёзган. Концерн вакили Россия ОАВларида бу ҳақда пайдо бўлган маълумотлар ишончли эмаслигини айтган.
Эслатиб ўтамиз, Россия Украинага бостириб киришни бошлаганидан кейин Россияга маҳсулотлар етказиб беришни тўхтатганини маълум қилган эди. Компания расмий баёнотида айтилишича, бренд одамлар хавфсизлигидан хавотирда ҳамда гуманитар кўмак беришда иштирок этмоқда.
Изоҳ (0)