Дораяки — мазали японча панкейкларни тайёрлаймиз

Асал қўшиб тайёрланадиган ушбу ширинликка шоколад, қаймоқ ёки крем ҳам қўшишингиз мумкин. Японча рецептда эса унга ширин ловия пастаси қўшилади.

Керакли масаллиқлар:

• тухум — 4 дона
• шакар — 130 г
• асал — 2 қошиқ
• ун — 160 г
• пишириқ кукуни — 1 қошиқ
• сув — 1-2 қошиқ
• ўсимлик ёғи — 1 қошиқ
• шоколад — 350 г

1. Тухум, шакар ва асални миксер ёрдамида аралаштиринг ёки юмшоқ, енгил массага келгунга қадар кўпиртиринг.
2. Унга пишириқ кукунини қўшиб элакдан ўтказинг ва тухумга икки-уч қошиқ масса қўшиб, бир хил меъёрга келгунча аралаштиринг.
3. Хамирни музлатгичга 10-15 дақиқага қўйинг.
4. Товани олдиндан қиздиринг, уни жуда оз ёғ билан ёғланг. Товага уч ош қошиқ хамирни солинг.
5. Панкейкларни паст оловда 60-90 сония давомида қовуриб олинг. Уни бошқа томонини айлантириб 30-40 сония пиширинг.
6. Қолган панкейкни худди шу тарзда қовуринг, ҳар сафар товани озгина ёғлаб олинг. Тайёр панкейкларни нам сочиқ билан ёпинг, шунда улар қуруқ бўлмайди.
7. Тайёр панкейкларнинг ярмининг ўртасига тахминан бир қошиқ шоколад солинг. Уни иккинчи ярми билан ёпинг. Панкейкларни ёпиштиринг.
8. Панкейкларни яхшироқ сақлаш учун уларни юпқа селофан билан маҳкам ўранг ва 20-30 дақиқа давомида музлатгичга қўйинг.

Мавзуга доир:

• Пиёз қўшиб хуштаъм картошкали котлет тайёрлаймиз.
• Картошка ва товуқ қиймасидан мазали егулик тайёрлаймиз.
• Сутли крем қўшилган мазали пончиклар тайёрлаймиз.
• Қийма ва карамдан мазали пирог тайёрлаймиз.