Туршак ва творогдан мазали запеканка тайёрлаймиз

Қуритилган мевалардан тайёрланадиган мазали ва юмшоқ запеканка нонушта учун мукаммал ширинлик ҳисобланади. Унга ўзингизга ёққан қуритилган мевани қўшишингиз мумкин.

Керакли масаллиқлар: 

• қуритилган ўрик — 200-250 г
• тухум — 3 дона
• творог — 650 г
• манний ёрмаси — 3 қошиқ
• сметана — 3 қошиқ
• туз — бир қошиқнинг тўртдан бир қисми
• шакар — 2-3 қошиқ
• ўсимлик ёғи — 1 қошиқ

1. Қуритилган ўрикни 10-15 дақиқа иссиқ сувга солиб қўйинг. Кейин сувдан олиб қуритиб уни бўлакларга бўлинг. Ширинликка таъбингизга қараб камроқ ёки кўпроқ қуритилган меваларни қўшишингиз мумкин.
2. Тухумнинг сариғини оқидан ажратиб олинг. Тухум сариғини манний ёрмаси, творог, сметана, туз ва шакар билан блендер ёрдамида аралаштириб олинг.
3. Тухум оқини блендер билан кўпиргунча аралаштириб олинг.
4. Творогли массани қуритилган ўрик билан аралаштиринг. Шундан сўнг унга тухум оқини солинг.
5. Пишириш идишини ўсимлик ёғи билан ёғланг. Ундаги творог массасини тенг равишда тақсимланг.
6. Қуритилган ва творогли запеканкани 180 даража ҳароратда 40 дақиқа давомида пишириб олинг.

Мавзуга доир:

• Творог ва малина қўшиб тайёрланадиган мазали запеканка рецепти.
• Колбаса, пишлоқ ва помидор қўшиб печда пишириладиган мазали лаваш рецепти.
• Долчин ва майиздан мазали булочка тайёрлаймиз.
• Мол гўшти ва ёнғоқ қўшиб тайёрланадиган грузинча шўрва — харчо рецепти.